ہوائی تفریح مہنگی پڑی۔ 150 فٹ کی بلندی پر رک گیا کرین
نئی دہلی ۔ اسکائی ڈائننگ ریسٹورنٹ میں سکون سے کھانا کھاتے ہوئے قدرتی مناظر سے لطف اندوز ہونے کے خواہشمند سیاحوں کو ایسا تلخ تجربہ ہوا جس کی انہوں نے توقع بھی نہیں کی تھی۔
انھیں اوپر لے جانے کے بعد کرین میں خرابی پیدا ہوئی اور وہ اچانک رک گیا جس کے نتیجے میں ریسٹورنٹ کی پلیٹ فارم پر موجود لوگ دو گھنٹے سے زیادہ خوف اور بے چینی کے عالم میں پھنس کر رہ گئے۔ آخرکار ریسکیو ٹیم نے انہیں رسیوں کی مدد سے بحفاظت نیچے اتار لیا
جس کے بعد تمامنے راحت کی سانس لی۔ یہ واقعہ کیرالہ کے ضلع اڈوکی میں پیش آیا۔ اس سے متعلق ویڈیوس سوشل میڈیا پر تیزی سے وائرل ہو رہی ہیں۔اڈوکی کے اناچلّو میں ایک اسکائی ڈائننگ ریسٹورنٹ واقع ہے۔ کولی کوڈ کے ایک خاندان نے جمعہ دوپہر کے وقت یہاں کا دورہ کیا۔ تقریباً 150 فٹ کی بلندی پر پہنچنے کے بعد اچانک کرین نے کام کرنا بند کر دیا۔
جس کی وجہ سے دو بچوں سمیت ان کے والدین شدید خوف و ہراس میں مبتلا ہوگئے۔تقریباً دو گھنٹے تک وہ وہیں پھنسے رہے بعد ازاں ریسکیو ٹیموں نے انہیں نیچے اتارا۔ معلوم ہوا ہے کی کرین کے ہائڈرالک نے کام کرنا بند کردیا تھا جس کی وجہہ سے کرین بلندی پر رک گیا
جس میں شوہر بیوی ان کے دونوں بچوں کے علاوہ ریسٹورینٹ کا ایک ملازم بھی تھا۔
