سڈنی میں حیدرآبادی کرکٹ کا جشن: بلیواسکائی رائیڈرز نے گولڈ کپ سیزن 1 جیت لیا
سڈنی (پریس نوٹ) سڈنی (آسٹریلیا) کے پَیری پارک گراؤنڈ میں ایک تاریخی لمحہ رقم ہوا جب پہلی بار ایک کمیونٹی کرکٹ ٹورنامنٹ کا انعقاد کیا گیا جس میں تمام آٹھ ٹیمیں صرف اُن کھلاڑیوں پر مشتمل تھیں جن کا تعلق حیدرآباد، ہندوستان سے ہے۔ یہ ایونٹ نہ صرف کھیل کا مظہر تھا بلکہ حیدرآبادی ثقافت اور کرکٹ سے محبت کا بھرپور اظہار بھی۔
ٹورنامنٹ میں ہر ٹیم نے پورے جوش و جذبے سے حصہ لیا، اور میدان میں مہارت، ٹیم ورک اور کمیونٹی سپورٹ کی خوبصورت مثالیں دیکھنے کو ملیں۔بلیواسکائی امیگریشن اینڈ اسٹوڈنٹ کنسلٹنسی کی سرپرستی میں کھیلنے والی ٹیم بلیواسکائی رائیڈرز نے شاندار کارکردگی کے ساتھ ٹورنامنٹ میں کامیابی حاصل کی۔ سی ای او جناب شایاز خان نے ٹیم کو بھرپور سپورٹ فراہم کی، جبکہ جناب نوید محمد، مدثر حسین اور خبیب خطیب نے ٹیم کی حوصلہ افزائی اور کامیابی میں اہم کردار ادا کیا۔
ٹیم کے کپتان سید محمد حسین نے بہترین قیادت کا مظاہرہ کیا، اور سید نذیر نے مسلسل عمدہ کھیل مظاہرہ کرکے پلیئر آف دی ٹورنامنٹ کا اعزاز حاصل کیا۔فائنل میچ کے بعد ایوارڈز کی تقسیم کی تقریب منعقد ہوئی، جس میں سٹی آف کینٹربری بینک اسٹاؤن کونسل کے ڈپٹی میئر جناب خضر صالح نے شرکت کی۔ انہوں نے کمیونٹی کے جذبے کو سراہا اور کھیل کے ذریعے اتحاد و ہم آہنگی کو فروغ دینے پر منتظمین کی تعریف کی۔
ٹورنامنٹ کے کامیاب انعقاد میں اسپانسرز نے کلیدی کردار ادا کیا۔ جناب شفی اللہ خواجہ، جو HSCC کمیونٹی کے بانی ہیں، نے کرکٹ کے فروغ کے لیے اپنی دیرینہ وابستگی کا مظاہرہ کیا۔ حیدرآباد گولڈ کپ سیزن 1 سڈنی کی کثیر الثقافت میں ایک یادگار اضافہ ہے۔ یہ ایونٹ اس بات کا ثبوت تھا کہ کھیل کے ذریعے کمیونٹیز کو جوڑا جا سکتا ہے، اور ثقافتی ورثے کو زندہ رکھا جا سکتا ہے۔
