تعلیم یافتہ نوجوانوں کے لئے مفت ضامن روزگار کورسیس

حیدرآباد ۔24نومبر (پریس نوٹ) قرآن فاونڈیشن کے زیراہتمام تعلیم یافتہ نوجوانوں کے لئے حیدرآباد کے پرانے شہر میں ضامن روزگار مہنگے کورسیس مفت فراہم کئے جارہے ہیں۔ یہ جماعتیں ایجوکیشنل سوشل کلچرل آرگنائزیشن کے تعاون سے چلائی جارہی ہیں۔

 

 

ایک پریس نوٹ میں کہا گیا کہ گریجویٹ اور آخری سمسٹر کے طلبا اور طالبات اور روزگار کے متلاشی نوجوان ان تربیتی کورسیس سے استفادہ کرسکتے ہیں۔ یہ جماعتیں 24نومبر سے شروع ہوں گی۔ کورسیس میں سائبر سیکوریٹی انجینئر، فل اسٹاک ڈیولپمنٹ ، اے آئی بلڈر کورس، ایس او سی انالسٹ، نٹ ورکنگ (سی سی این اے) ایتھیکل ہیکنگ پینٹسٹ، ایسیور AZ-104، پائیتھان ، VMویر اڈمنسٹریشن، شامل ہیں۔ بی ای، بی ٹیک، بی کام کمپیوٹرس، بی سی اے، بی اے سی کمپیوٹرس، ورکنگ پروفیشنلس اور روزگار کے خواہشمند درخواستیں داخل کرسکتے ہیں۔

 

 

جماعتوں کا اہتمام ٹیلنٹ ڈیولپمنٹ سنٹر پہلی منزل اردو گھر مغل پورہ حیدرآباد میں کیا جائے گا۔ تفصیلات کے لئے کرئیر گائیڈنس کونسل سے 9989077273 پر ربط پیدا کیا جاسکتا ہے۔