دستور کا تحفظ اقلیتوں کا تحفظ ہے ڈان اسکول میں یوم دستور تقریب۔ ریٹائرڈ جج محمد عبدالباسط اور وکلا کا خطاب

حیدرآباد۔30 نومبر (پریس نوٹ) ہندوستان کا دست دنیا کے بہترین آئین میں سے ایک ہے۔ آج ہندوستان میں دستور ہند بعض عناصر کو کھٹک رہا ہے۔ دستور کا تحفظ ہر ہندوستانی بالخصوص اقلیتوں کی ذمہ داری ہے۔ دستور ہند کا تحفظ دراصل اقلیتوں کا تحفظ بھی ہے۔ ان خیالات کا اظہار ممتاز قانون دانوں نے ڈان ہائی اسکول ملک پیٹ میں منعقدہ یوم

دستور تقریب اور نمائش سے خطاب کرتے ہوئے کیا۔ اس تقریب میں ریٹائرڈ جج محمد عبدالباسط،

نوجوان ایڈووکیٹ شمع رفین دیگر وکلا ابو بکر صدیق، زید بن خالد عبادی، محمد قدوس حسین ، ابوبکر بن احمد بقلقہ، محمد شجاعت حسین ، ظفر نواب، عامر قاضی اور صحافیوں بشمول 4 ٹی وی اینکر سید باقر و دیگر نے شرکت کی۔ شرکا نے دستور ہند کو ایک گلدستہ سے تعبیر کیا جس میں دنیا کے مختلف دستور سے خوبصورت پھول چن کر جمع کئے گئے۔ انہوں نے طلبا اور طالبات کومشورہ دیا کہ وہ میڈیسن اور انجینئر نگ کے ساتھ ساتھ قانون جیسے پیشوں میں بھی دلچسپی لیں۔ ایڈووکیٹ عامر

قاضی نے ڈان اسکول میں یوم دستور تقریب اور نمائش کے اہتمام پر مسرت کا اظہار کرتے ہوئے کہا کہ انہوں نے قانون سے متعلق جو باتیں پی جی سطح پر سیکھی ہیں وہ ڈان ہائی اسکول کے طلبا کو اسکول کی سطح پر سکھائی جارہی ہیں۔ چیرمین ڈان گروپ آف انسٹی ٹیوشنس فضل الرحمن خرم نے معزز جج محمد عبدالباسط اور مہمان وکلا و صحافیوں کا خیرمقدم کیا اور طلبا کی حوصلہ افزائی کے لئے ان کا شکریہ ادا کیا۔ 10ویں جماعت کی طالبات افرا اور سکینہ نے کارروائی چلائی۔ اس موقع پر 10ویں اور 9ویں جماعت کی طالبات نے جدوجہد آزادی، جنسی

برابری اور انتخابی نظام میں دھاندلیوں کے موضوع پر ڈرامے پیش کئے۔ لڑکیوں نے دستور سازی کے سفر، بنیادی حقوق، دستور کی رہنما ہدایات، پارلیمانی نظام اور دیگر موضوعات پر متاثر کن ماڈلس پیش کئے۔