مولانا مفتی ڈاکٹر حافظ محمد صابر پاشاہ قادری: دشمن کی سازشیں ناکام، اللہ کا وعدہ سچا ہے

مولانا مفتی ڈاکٹر حافظ محمد صابر پاشاہ قادری: دشمن کی سازشیں ناکام، اللہ کا وعدہ سچا ہے

 

حیدرآباد، 9 اپریل (پریس ریلیز):

آج کے پُرآشوب دور میں جب دنیا کے مختلف خطوں میں فتنہ و فساد کی لہریں اٹھ رہی ہیں اور باطل قوتیں اپنی ظاہری طاقت کے زعم میں انسانیت کو مرعوب کرنے کی کوشش کر رہی ہیں، ایسے نازک حالات میں تاریخِ اسلام کے روشن ابواب ہمیں حوصلہ، استقامت اور یقینِ کامل کا سبق دیتے ہیں۔ اہلِ ایمان کے لیے یہ حقیقت ہمیشہ باعثِ اطمینان رہی ہے کہ حق کو وقتی طور پر دبایا جا سکتا ہے مگر اسے مٹایا نہیں جا سکتا، کیونکہ اس کی بنیاد اللہ تعالیٰ کی نصرت و تائید پر قائم ہے۔

چیئرمین لینگویجز ڈویلپمنٹ آرگنائزیشن، مولانا مفتی ڈاکٹر حافظ محمد صابر پاشاہ قادری نے اپنے بیان میں فرمایا کہ تاریخ شاہد ہے کہ جب بھی اہلِ ایمان نے خلوص، استقامت اور توکل علی اللہ کو اپنا شعار بنایا، تو نامساعد حالات کے باوجود کامیابی ان کا مقدر بنی۔ انہوں نے کہا کہ فرعون جیسی ظالم قوتیں ہوں یا نمرود جیسے سرکش حکمران، بالآخر انہیں نیست و نابود ہونا پڑا، جبکہ حق کا پیغام ہمیشہ سربلند رہا۔

انہوں نے مزید کہا کہ قرآنِ مجید ہمیں حضرت ابراہیم علیہ السلام کے واقعہ کے ذریعے یہ درس دیتا ہے کہ جب انسان کامل یقین کے ساتھ اللہ پر بھروسا کرتا ہے تو آگ بھی اس کے لیے گلزار بن جاتی ہے۔ اسی طرح حضرت موسیٰ علیہ السلام اور فرعون کا واقعہ اس بات کی روشن دلیل ہے کہ باطل چاہے کتنا ہی طاقتور کیوں نہ نظر آئے، انجام کار اسے شکست کا سامنا کرنا ہی پڑتا ہے۔

مولانا نے موجودہ حالات پر روشنی ڈالتے ہوئے کہا کہ آج بھی امتِ مسلمہ کو چاہیے کہ وہ مایوسی کے بجائے اپنے ایمان کو مضبوط کرے، اتحاد و اتفاق کو فروغ دے اور اللہ تعالیٰ کی مدد پر کامل یقین رکھے۔ انہوں نے اس بات پر زور دیا کہ دشمن کی سازشیں وقتی طور پر اثرانداز ہو سکتی ہیں، مگر اللہ کا وعدہ سچا ہے کہ وہ اپنے دین کی حفاظت فرمائے گا۔

آخر میں انہوں نے قرآنِ کریم کی اس آیت کی طرف اشارہ کرتے ہوئے کہا کہ:

"یُرِیۡدُوۡنَ لِیُطۡفِـُٔوۡا نُوۡرَ اللّٰہِ بِاَفۡوَاہِہِمۡ وَاللّٰہُ مُتِمُّ نُوۡرِہٖ وَلَوۡ کَرِہَ الۡکٰفِرُوۡنَ”

یعنی باطل قوتیں اللہ کے نور کو بجھانا چاہتی ہیں، مگر اللہ اپنے نور کو مکمل کر کے رہے گا، چاہے یہ بات کافروں کو کتنی ہی ناگوار گزرے۔

انہوں نے مسلمانوں کو تلقین کی کہ وہ صبر، استقامت اور یقین کے ساتھ حق کے راستے پر قائم رہیں، کیونکہ کامیابی بالآخر اہلِ ایمان ہی کا مقدر