رائچور ضلع اور شہر کی ترقی اولین ترجیح۔کرناٹک کے وزیر این ایس بوس راجو کا بیان
بنگلورو:کرناٹک کے وزیر سائنس وٹیکنالوجی این ایس بوس راجو نے کہاکہ رائچور ضلع اور شہر کی ہمہ گیر ترقی انکی اولین ترجیح ہے۔ اس کے لیے ایک نئے پلان اور ویژن کی ضرورت ہے۔ یہ کام صرف ایک شخص نہیں کر سکتا۔ اس سلسلے میں ضلع کے عوام اور عوامی نمائندوں کا تعاون درکار ہے۔ ضلع میں پینے کے پانی، صفائی ستھرائی، انفراسٹرکچر، زراعت کے لیے ضروری مدد اور آبپاشی کی سہولیات میں اضافہ کو اولین ترجیح دی جائے گی۔ اس سلسلے میں ضلعی انچارج وزیر سے بات چیت ہوچکی ہے اور اس سلسلے میں عنقریب ضلع انتظامیہ کے ساتھ میٹنگ کی جائے گی۔این ایس بوس راجو نے بنگلورو میں رائچور ضلع میں پریس کانفرنس سے خطاب کیا۔
انہوں نے یہ بھی کہا کہ رائچورشہر کی ترقی کے حوالے سے الگ اجلاس منعقد کیا جائے گا۔انہوں نے کہاکہ رائچور اوپیک ہسپتال کو مزید اپ گریڈ کرنے کے لیے وزیر صحت سے بات چیت کی گئی ہے۔ اس کے علاوہ ضلع کے انچارج وزیر وطبی تعلیم کے وزیر سے بات چیت ہوئی ہے اور انہوں نے ضروری مدد فراہم کرنے کا وعدہ کیا ہے۔ انہوں نے کہا کہ کے کے آر ڈی بی کی ایک کمیٹی تشکیل دی گئی ہے اور اس کے رکن کی حیثیت سے وہ مزید گرانٹ حاصل کرنے کی کوشش کریں گے۔انہوں نے کہا کہ ضلع میں زراعت پر منحصر بہت سی صنعتیں ہیں۔ زرعی ترقی پر زور بالواسطہ طور پر ان صنعتوں کو بھی سہارا دے گا۔ انہوں نے یہ بھی کہا کہ انہوں نے ضلع میں صنعتی سرگرمیوں کی ترقی اور مزید سرمایہ کاری کو راغب کرنے کے لئے وزیر صنعت سے بات چیت کی گئی ہے۔ انہوں نے مزیدکہا کہ کولار اور چکبالاپور ضلع کی طرح ماہرین کی ایک ٹیم کو ہدایت دی گئی ہے کہ وہ رائچور ضلع میں زیر زمین پانی کو بڑھانے کے لیے جھیلوں میں پانی بھرنے کے امکانات کا جائزہ لیں۔ ماہرین نہروں میں بہنے والے زیادہ پانی کے استعمال سمیت دیگر امکانات کے بارے میں رپورٹ کریں گے۔
انہوں نے کہا کہ رپورٹ کی بنیاد پر کارروائی کی جائے گی۔انہوں نے کہا کہ رائچور شہر میں پینے کے پانی کی اسکیم کو درست طریقے سے نافذ کرنے کی ضرورت ہے۔ انہوں نے کہا کہ کچرے کے مسئلے سے موثر طریقے سے نمٹنے کے لیے پہلے ہی اقدامات کیے جا چکے ہیں اور انفراسٹرکچر کو بڑھا کر شہر کی خوبصورتی میں اضافہ کیا جائے گا۔
