امریکہ میں مسجد کے امام فائرنگ میں شہید _ فجر کی نماز سے قبل مسجد کے سامنے واقعہ

حیدرآباد _ 4 جنوری ( اردولیکس ڈیسک) امریکہ کی ریاست نیو جرسی میں ایک مسجد کے امام کو  مسجد کے باہر گولی مار کر شہید کر دیا گیا، جب کہ پولیس حملہ آور کی تلاش جاری رکھے ہوئے ہے۔

 

امام حسن شریف چہارشنبہ کو صبح 6 بج کر 15 منٹ پر فجر کی نماز  پڑھانے کے لیے نیوآرک کی ایک مسجد، مسجد محمد میں آئے  تھے کہ  مبینہ طور پر نامعلوم حملہ آوروں نے ان کی گاڑی پر  کئی بار گولیاں چلائی ۔

 

مقامی خبروں کے مطابق، حسن شریف کو تشویشناک حالت میں مقامی ہاسپٹل لے جایا گیا، جہاں وہ زخموں کی تاب نہ لاتے ہوئے 2 بج کر 20 منٹ پر چل بسے۔

 

فائرنگ کے بعد کے گھنٹوں میں، پولیس کو مسجد کے داخلی دروازے کے قریب دیکھا گیا اور ایک ہیلی کاپٹر میں صورتحال کی نگرانی کی۔

 

ابھی تک قتل کی وجہ واضح نہیں ہو سکی ہے۔ تاہم، یہ واقعہ 7 اکتوبر کو شروع ہونے والی غزہ میں اسرائیل کی جاری جنگ کے دوران پورے امریکہ میں مسلم  دشمنی اور اسلامو فوبک حملوں میں تیزی سے اضافے کے وقت پیش آیا ہے۔