مشہور شاعر علامہ اقبال کے باب کو نصاب سے ہٹا دینے دہلی یونیورسٹی کا فیصلہ

نئی دہلی _ 27 مئی ( اردولیکس ڈیسک) دہلی یونیورسٹی نے مشہور شاعر علامہ اقبال کی زندگی اور شاعری پر مشتمل باب کو یونیورسٹی کے نصاب سے نکال دینے کا فیصلہ کیا ہے یونیورسٹی کے پولیٹیکل سائنس ڈیپارٹمنٹ کے عہدیداروں کا خیال ہے کہ پاکستان کے علامہ اقبال پاکستان کے قومی شاعر ہیں۔ وہ 1877 میں غیر منقسم ہندوستان میں سیالکوٹ میں پیدا ہوئے۔ ملک پاکستان بنانے کا بھی ان کا خیال تھا۔

 

فی الحال دہلی یونیورسٹی اکیڈمی بورڈ نے نصاب سے اقبال کے ایک باب کو ہٹانے کی قرارداد منظور کی ہے۔

 

بی اے کی کورس   میں چھٹے سمسٹر کا پرچہ علامہ اقبال پر مشتمل ہے۔ جدید ہندوستانی سیاسی فکر کے باب میں نامور شاعر کے بارے میں لکھا گیا ہے ۔ لیکن حکام نے کہا کہ اس باب کو ہٹانے کا حتمی فیصلہ ایگزیکٹو کونسل کرے گی۔ اے بی وی پی نے یونیورسٹی کونسل کے فیصلے کا خیر مقدم کیا ہے۔

 

اے بی وی پی کے ایک لیڈر نے کہا کہ علامہ اقبال ایک پاکستانی فلسفی کے طور پر پہچانے جاتے ہیں۔ اقبال نے جناح کو مسلم لیگ میں ایک اہم رہنما کے طور پر پیش کرنے میں کلیدی کردار ادا کیا۔ انہوں نے کہا کہ اقبال بھی تقسیم ہند کے لیے جناح کی طرح برابر کے ذمہ دار تھے۔