کسی بھی صورت میں این آر سی کی اجازت نہیں دوں گی _ عوام کو آدھار کارڈ اپ ڈیٹ کروانے اور ووٹر لسٹ میں نام شامل کروانے ممتا بنرجی نے دیا مشورہ

کولکتہ _ 4 مئی ( اردولیکس ڈیسک) مغربی بنگال کی چیف منسٹر ممتا بنرجی نے آج ایک بار پھر کہا کہ وہ مغربی بنگال میں این آرسی کی اجازت نہیں دیں گی جمعرات کو مالدہ اور مرشد آباد اضلاع کی انتظامی میٹنگ میں ممتا بنرجی نے کہا کہ میں بنگال میں این آرسی کی کسی بھی صورت میں اجازت نہیں دوں گی میں نے خط دوبارہ بھیجا اگر چہ وہاں اس کا براہ راست ذکر نہیں ہے ۔ لیکن میں کسی بھی صورت میں این آرسی کی اجازت نہیں دوں گی۔

ممتا بنرجی نے کہا کہ ہم اس کاغذ کو دوبارہ تلاش کرنے کی کوشش کر رہے ہیں۔ کاغذات نہ ہونے سے آپ غیر ملکی بن جائیں گے۔ حراستی کیمپ بھیجیں گے۔ جس طرح آسام میں کیا جاتا ہے۔ میں ایسا نہیں ہونے دوں گی۔ انہوں نے ملک کے شہریوں کو ہر 10 سال بعد اپنا آدھار کارڈ اپ ڈیٹ کرنے کا مشورہ دیا۔

چیف منسٹر نے کہا کہ آپ سب اپنا نام ووٹر لسٹ میں صحیح سے درج کرالیں۔ کیونکہ انتخابی فہرست میں نام نہ ہونے کے باوجود وہ بات کر سکتے ہیں، اس لیے سب کو بتا دیں۔ ووٹر لسٹ میں نام ہونا چاہیے۔ آدھار کارڈ کو وقت پر اپ ڈیٹ کرنا چاہیے۔ اسے ہر 10 سال بعد اپ ڈیٹ کرنا پڑتا ہے