حیدرآباد کی ایک ہوٹل میں زور دار دھماکہ

حیدرآباد کے جوبلی ہلز علاقے میں ایک زوردار دھماکہ ہوا جس سے قریبی بستی متاثر ہوئی۔ دھماکے کی آواز سے مقامی لوگ خوفزدہ ہوگئے۔ تفصیلات کے مطابق، جوبلی ہلز روڈ نمبر 1 پر "تلنگانہ اسپائس کچن” نامی ایک ہوٹل واقع ہے۔ اتوار کی صبح اس ہوٹل میں موجود فریج کا کمپریسر اچانک پھٹ گیا،

جس سے ہوٹل کی دیوار منہدم ہوگئی۔ پتھر اور ملبہ اڑ کر تقریباً 100 میٹر دور "درگا بھوانی نگر” بستی میں گرے، جس سے چار جھگیاں تباہ ہوگئیں اور کئی برقی کے کھمبے  بھی ٹوٹ گئے۔ ایک خاتون زخمی بھی ہوئی ہیں

اطلاع ملنے پر جوبلی ہلز پولیس جائے حادثہ پر پہنچی اور معائنہ کیا۔ ڈی سی پی وجئے کمار اور جوبلی ہلز اے سی پی وینکٹگیری نے ہوٹل کے منتظمین سے بات چیت کی۔ تاہم، ہوٹل کے منتظمین نے میڈیا کو اندر جانے کی اجازت نہیں دی، جس کے سبب اس واقعے پر کئی سوالات اٹھ رہے ہیں۔