آندھراپردیش کے کرنول میں دو کاروں کے درمیان خوفناک تصادم – ایک ہی خاندان کے 5 افراد ہلاک
کرنول ضلع، 29 نومبر: آندھراپردیش کے کرنول ضلع میں ہفتہ کی صبح خوفناک سڑک حادثات پیش آیا جس میں ایک ہی خاندان کے 5 افراد ہلاک ہوگئے مرنے والوں میں باپ بیٹی داماد اور دو نواسے شامل ہیں
یہ حادثہ ایمیگنور حلقے کے کوٹیکال گاؤں کے قریب پیش آیا، جہاں دو کاروں کے آمنے سامنے ٹکرانے سے سفٹ کار میں سوار دو بچوں سمیت پانچ افراد موقع پر ہی ہلاک ہوگئے جبکہ فارچونر میں سوار چار دیگر زخمی ہوئے۔ زخمیوں کو علاج کے لئے آدونی منتقل کیا گیا۔
اطلاعات کے مطابق حادثے کے شکار افراد کرناٹک سے منترالیہ میں واقع سری راگھویندرا سوامی مٹھ کے درشن کے لئے جا رہے تھے کہ راستے میں کوٹیکال کے قریب ان کی گاڑیاں ایک دوسرے سے ٹکرا گئیں۔
پولیس کے مطابق ہلاک شدگان ایک ہی خاندان کے افراد تھے جن کی شناخت کرناٹک کے ضلع کولار کے چکّہ ہوسلی گاؤں سے تعلق رکھنے والے وینکٹیشپّا (60)، ان کی بیٹی میناکشی (32)، داماد ستیش (36) اور رتوک اور بنی گوڑ کے ناموں سے کی گئی ہے۔ پولیس نے مقدمہ درج کرکے تفتیش شروع کردی ہے۔



