کرناٹک میں تین منزلہ عمارت منہدم – مرمت کے دوران پیش آیا حادثہ
کرناٹک کے ضلع کولار کے بنگارپیٹ میں دندو روڈ کے قریب ایک تین منزلہ عمارت جمعہ کو مرمت کے دوران منہدم ہوگئی۔ یہ عمارت راج کمار نامی شخص کی ملکیت تھی اور حادثے سے دو ماہ قبل اسے خالی چھوڑ دیا گیا تھا،
بتایا گیا ہے کہ گراونڈ فلور پر جاری مرمت کے دوران عمارت کا ڈھانچہ منہدم ہوگیا، جس سے قریب ہی واقع ایک خانگی اسکول کے کمپاؤنڈ کو کافی نقصان پہنچا۔ خوش قسمتی سے، فائر بریگیڈ کے اہلکاروں نے بروقت کارروائی کرتے ہوئے عمارت میں رہنے والے تین خاندانوں کو فوری طور پر محفوظ مقام پر منتقل کردیا۔ حکام نے بتایا کہ حادثے میں کوئی جانی نقصان یا زخمی ہونے کی اطلاع نہیں ملی۔
پولیس نے اس سلسلے میں شکایت درج کرلی ہے اور حادثے کی وجہ جاننے کے لیے تفتیش جاری ہے۔ویڈیو میں دیکھا گیا کہ عمارت محض چند سیکنڈز میں ایک پتے کی طرح زمین پر گر گئی، جبکہ کچھ مزدور نیچے کی منزل پر حرکت کرتے ہوئے نظر آئے۔
