سونے کی قیمت میں ریکارڈ سطح کی کمی – ایک ہی دن میں 1500 روپے کی کمی _ چاندی بھی ہوئی سستی

ملک بھر میں سونے کی قیمتیں ریکارڈ سطح تک گر گئی ہیں۔ منگل کے روز بھی قیمتوں میں کمی کا رجحان برقرار رہا، جو ایک ماہ کی کم ترین سطح پر پہنچ گئی ہے۔ بین الاقوامی منڈیوں اور جیولری مینوفیکچررز میں مانگ میں کمی کے باعث قیمتیں گر رہی ہیں۔

 

حیدرآباد میں تازہ ترین قیمت کے مطابق 24 کیرٹ خالص سونے کے 10 گرام کی قیمت 1,470 روپے کی کمی کے ساتھ 77,290 روپے تک پہنچ گئی ہے، جبکہ 22 کیرٹ سونا، جو زیورات بنانے میں استعمال ہوتا ہے، 1,350 روپے کی کمی کے بعد 70,850 روپے پر آگیا ہے۔

 

چاندی کی قیمت میں بھی کمی واقع ہوئی ہے، جو 2,000 روپے کی کمی کے بعد 1,02,000 روپے فی کلوگرام ہوگئی ہے۔ عالمی منڈیوں میں سونا 2,597 ڈالر فی اونس اور چاندی 30 ڈالر فی اونس پر ہے۔

 

حال ہی میں امریکی صدارتی انتخابات میں ڈونلڈ ٹرمپ کی کامیابی کے بعد ڈالر کی قیمت میں اضافہ ہوا، جو کہ گزشتہ چار ماہ کی بلند ترین سطح پر پہنچ گیا۔ ڈالر کی قدر میں اضافے کے باعث سرمایہ کاروں کی سونے میں دلچسپی کم ہو رہی ہے۔

 

ماہرین کا کہنا ہے کہ ٹرمپ کی معاشی پالیسیاں ڈالر کی مضبوطی کے ساتھ افراط زر کے دباؤ کو کم کر سکتی ہیں اور اگلے سال فیڈرل ریزرو کے شرح سود میں کمی کی توقع ہے۔