انتخابی نتائج بی جے پی کوآئینہ دکھانے والے ہیں۔آرایس ایس کی بی جے پی جم کرتنقید

نئی دہلی: عام انتخابات میں بی جے پی کی جانب سے اپنے بل بوتے پر اکثریت حاصل نہ کرنے پر آرایس ایس نے زعفرانی پارٹی کو جم کر تنقید کا نشانہ بنایا ہے۔ راشٹریہ سویم سیوک سنگھ کے ترجمان نے لوک سبھا انتخابات میں بی جے پی کے ناقص مظاہرہ پر تنقید کی ہے۔ سنگھ نے لکھا ہے کہ ایسے نتائج بی جے پی لیڈررس اور کارکنوں کی زیادہ خود اعتمادی کی وجہ سے آئے ہیں۔

آرگنائزر میں شائع مضمون میں رتن شاردا نے لکھا ہے کہ عوام اور عام لوگوں کی آواز سننے کے بجائے بی جے پی کارکن وزیر اعظم نریندر مودی کی مدح سرائی کی چمک سے لطف اندوز ہو رہے تھے۔ مضمون کے آغاز میں سنگھ نے لکھا ہے کہ بھلے ہی مرکز میں تیسری بار مودی حکومت بنی ہے لیکن اس بار بی جے پی اپنے بل بوتے پر مکمل اکثریت کے ساتھ حکومت بنانے میں ناکام رہی ہے۔ مضمون میں کہا گیا ہے کہ اتر پردیش سمیت کئی ریاستوں میں پارٹی کی کارکردگی انتہائی خراب اور مایوس کن رہی۔ سنگھ نے کہا کہ انتخابی نتائج بی جے پی کے لیے زمینی حقیقت کو سمجھنے اور غور و خوض کرنے کا اشارہ ہیں۔آر ایس ایس نے کہا ہے کہ بی جے پی لیڈر انتخابی حمایت کے لیے ‘سوم سیوکوں’ تک پہنچے ہی نہیں۔ سنگھ کے رکن رتن شاردا مضمون میں مزید لکھتے ہیں کہ

انتخابی نتائج بی جے پی کو آئینہ دکھانے والے ہیں۔ سنگھ نے مہاراشٹر کو لے کر سخت تبصرہ کیا ہے۔ رتن شاردا نے مضمون میں لکھا ہے کہ بی جے پی مہاراشٹر کی سیاست میں بہت زیادہ سرگرم ہو گئی اور وہاں غیر ضروری سیاست کی گئی۔