سہیلیوں کی جانب سے توہین کئے جانے پر بی ٹیک کی طالبہ کی خودکشی – تلنگانہ کے جگتیال ضلع میں واقعہ

تلنگانہ کے جگتیال ضلع کے ضابطہ پور گاؤں میں سہیلیوں کی جانب سے مبینہ طور پر توہین کیے جانے کے بعد بی ٹیک کی ایک طالبہ نیتیا نے خودکشی کرلی۔

پولیس کے مطابق نیتیا، حیدرآباد کے کے پی ایچ بی کالونی میں واقع ایک پرائیویٹ ہاسٹل میں رہتے ہوئے انجینئرنگ کے تیسرے سال کی تعلیم حاصل کر رہی تھی۔ حال ہی میں اُس کی دو سہیلیوں، ویشنوی اور سنجنا نے اس کی تعلیمی کارکردگی پر تنقید کرتے ہوئے مبینہ طور پر اس کی توہین کی جس پر نیتیا شدید ذہنی دباؤ کا شکار ہو گئی

۔دل برداشتہ ہوکر وہ 2 جولائی کو اپنے آبائی گاؤں واپس آئی اور کیڑے مار دوا پی کر خودکشی کی کوشش کی۔ اس کے ارکان خاندان نے فوری طور پر اسے کریم نگر کے ایک پرائیویٹ ہاسپٹل منتقل کیا

جہاں جمعہ کی شب علاج کے دوران اس کی موت ہوگیی ۔نیتیا کے ارکان خاندان کی شکایت پر پولیس نے ویشنوی اور سنجنا کے خلاف مقدمہ درج کرتے ہوئے جانچ شروع کر دی ۔