13 سالہ لڑکی نے بہادری سے چور کا تعاقب کیا – حیدرآباد میں واقعہ

13 سالہ لڑکی نے بہادری سے چور کا تعاقب کیا، پولیس نے کی تعریف

 

حیدرآباد کے چنتل علاقے کے بھگت سنگھ نگر میں 13 سالہ لڑکی بھوانی نے غیر معمولی جرات کا مظاہرہ کرتے ہوئے گھر میں گھسنے والے چور کا تعاقب کیا اور اسے بھاگنے پر مجبور کر دیا۔

 

اطلاعات کے مطابق، جمعرات کے روز ایک شخص اس وقت گھر میں داخل ہوا جب اہلِ خانہ موجود نہیں تھے۔ اوپری منزل پر موجود بھوانی نے مشتبہ شخص کو دیکھ کر فوراً پوچھا، “تم کون ہو؟” — یہ سنتے ہی وہ شخص بھاگ نکلا۔

 

بھوانی نے چیختے ہوئے اس کا گلی کے آخری سرے تک تعاقب کیا۔ یہ پورا منظر قریبی سی سی ٹی وی کیمروں میں ریکارڈ ہو گیا۔ پولیس نے لڑکی کی بہادری اور حاضر دماغی کی تعریف کی ہے اور واقعے کی تحقیقات جاری ہیں۔