پولیس اسٹیشن کے سامنےایک شخص کا قتل۔ آندھراپردیش میں واردات
حیدرآباد: پولیس اسٹیشن کے سامنے ایک شخص کا وحشیانہ قتل کردیا گیا۔ یہ واردات ریاست آندھراپردیش کے شری ستیہ سائی ضلع میں پیش آئی۔
پیر کی صبح تناکلو پولیس اسٹیشن کے سامنے ایشوراپا نامی شخص کو دو بھائیوں ہری اور چنپا نے قتل کر دیا۔پولیس کی تفصیلات کے مطابق راگینے پلی سے تعلق رکھنے والا ایشوراپا اس مہینے کی ایک تاریخ کو ہری کی بیوی کو لے کر بھاگ گیا تھا۔ ہری کی شکایت پر کیس درج کرنے والے پولیس نے تلاش شروع کی۔
دونوں گوڈور میں ہیں یہ معلوم ہونے پر اتوار کو وہاں جا کر انہیں حراست میں لیا گیا۔ پیر کی صبح سویرے پی ایس کے پاس دونوں کو لایا گیا۔ گاڑی سے اتر کر اسٹیشن میں داخل ہوتے وقت ایشوراپا کو ہری اور چنپا نے کلہاڑیوں سے حملہ کرکے اسےمار ڈالا۔
اس واقعہ کے ساتھ ہی ہری کی بیوی وہاں سے فرار ہو گئی۔ پولیس نے اس معاملے میں کیس درج کرکے چھان بین شروع کردی ہے۔
