شادی کی برات میں ہوائی فائرنگ — چھت پر کھڑی 20 سالہ افشاں گولی لگنے سے جاں بحق، دلہا فرار، دلہن سہاگ کے لباس میں بیٹھی رہ گئی

میرٹھ میں شادی کی برات میں ہوائی فائرنگ کا — چھت پر کھڑی 20 سالہ افشاں گولی لگنے سے جاں بحق، دلہا فرار، دلہن سہاگ کے لباس میں بیٹھی رہ گئی

 

اتر پردیش کے ضلع میرٹھ کے لِسّاری گیٹ پولیس اسٹیشن کے حدودِ شِیام نگر میں شادی کی بارات کے دوران کی گئی ہوائی فائرنگ نے خوشی کو ماتم میں بدل دیا۔ 20 سالہ لڑکی افشاں اپنی چھت سے بارات کا نظارہ کر رہی تھی کہ ایک گولی آکر اس کے پیٹ میں لگ گئی۔ اسے فوری طور پر ہاسپٹل منتقل کیا گیا مگر وہ زخموں کی تاب نہ لاتے ہوئے دم توڑ گئی۔

 

سانحہ گزشتہ رات تقریباً 10 بجے پیش آیا جب شاہنواز قریشی کے بیٹے سہیل کی بارات کنگ پیلس کی جانب روانہ ہو رہی تھی۔ ڈھول تاشے اور رقص کے دوران کچھ نوجوانوں نے خوشی میں ہوائی فائرنگ شروع کردی، جس کا نشانہ افشاں بن گئی۔ گولی لگتے ہی بارات میں بھگدڑ مچ گئی اور دلہا گھوڑی سے اتر کر موقع سے فرار ہوگیا، جبکہ دلہن شادی کے لباس میں فنکشن ہال میں بیٹھی رہ گئی۔

 

افشاں کے والد ارشد کی شکایت پر پولیس نے دلہا سہیل، اس کے بھائی ٹاقب، والد حاجی شاہنواز اور 20 تا 25 نامعلوم افراد کے خلاف مقدمہ درج کرلیا ہے۔ پولیس کے مطابق ایک شخص کو گرفتار کر لیا گیا ہے جبکہ دیگر کی تلاش جاری ہے۔

 

ایس ایس پی ڈاکٹر وِپن ٹاڈا نے بتایا کہ فائرنگ میں استعمال ہونے والے اسلحے کی قانونی حیثیت کی بھی جانچ کی جا رہی ہے۔ علاقے میں خوف و افسوس کی فضا قائم ہے