تلنگانہ کے نرمل ٹاؤن میں اے ٹی ایم مشین سے رقم کی چوری کی کوشش

تلنگانہ کے ضلع نرمل میں ایک اے ٹی ایم سے رقم چرانے کی کوشش پر پولیس نے فوری کارروائی کرتے ہوئے مشتبہ چور کو گرفتار کرلیا۔ تفصیلات کے مطابق، نرمل ٹاؤن میں کینرا بینک کے منیجر نے ڈائل 100 پر کال کرکے اطلاع دی کہ ایک نامعلوم شخص اے ٹی ایم سے رقم چرانے کی کوشش کررہا ہے۔ اس اطلاع پر پولیس جو گشت پر تھی، فوراً حرکت میں آئی اور فوری طور پر اے ٹی ایم سینٹر پہنچ کر سی سی ٹی وی فوٹیج کا جائزہ لیا۔

فوٹیج کی مدد سے پولیس نے قریبی علاقے سے ایک شخص کو گرفتار کیا جس کی شناخت گنگادھر کے طور پر کی گئی ہے۔ پولیس مزید تحقیقات کررہی ہے تاکہ یہ معلوم کیا جا سکے کہ آیا اس شخص نے پہلے بھی ایسی کوئی واردات کی ہے یا کسی اور واردات میں ملوث ہے۔