شیر خوار بچہ کو اغوا کرنے کی کوشش۔ حیدرآباد کے ہاسپٹل میں خاتون گرفتار

حیدرآباد: گورنمنٹ میٹرنٹی ہاسپٹل کوٹھی سے ایک نوزائیدہ بچے کو اغوا کرنے کی کوشش کے الزام میں سلطان بازار پولیس نے ایکخاتون کو گرفتار کر لیا۔ پولیس نے ملزمہ کی شناخت عسکری بیگم کے طور پر کی گئی ہے جس کی 45 سالہ بتائی گئی ہے اور وہ گھریلو ملازمہ ہے۔

خاتون کا تعلق حیدرآباد کے رین بازار سے ہے۔ ہاسپٹل کی سپرنٹنڈنٹ جے انورادھا کی شکایت پر اسے گرفتار کیا گیا۔ پولیس کے بموجب خاتون کو اس وقت پکڑ لیا گیا جب وہ ایک نومولود بچہ کو اغوا کرنے کی کوشش کررہی تھی۔ بتایا گیا ہے کہ خاتون کے خلاف سابق میں اس طرح کے مقدمات درج ہیں۔ وہ اپنی بیٹی فاطمہ بیگم کی زچگی میں مدد کے لیے اسپتال میں موجود تھی۔

پولیس کے مطابق ملزمہ کی ملاقات ایک نامعلوم شخص سے ہوئی جس نے اسے ایک بچہ حوالہ کرنے پر 50,000 روپے دینے کی پیشکش کی تھی۔