سرکل انسپکٹر 2 لاکھ روپئے رشوت لیتے ہوئے گرفتار۔ تلنگانہ ضلع محبوب آباد میں کاروائی

حیدرآباد: ریاست تلنگانہ کے ضلع محبوب آباد میں ایک رشوت خور سرکل انسپکٹر کو اے سی بی کے حکام نے پکڑلیا۔

سرکل انسپکٹر تورور جگدیش کو 2 لاکھ روپئے نقد رقم بطور رشوت طلب اور قبول کرتے ہوئے گرفتارکرلیا گیا۔ ایک کیس کے سلسلہ میں اس نے شکایت کنندہ سے 4 لاکھ روپئے طلب کئے تھے اور 2 لاکھ روپئے قبول کرتا ہوا پکڑ اگیا۔

اے سی بی کے حکام نے اسے گرفتارکرکے اے سی بی کیسس کی خصوصی عدالت میں پیش کیا۔