حیدرآباد میں ایک اور نوجوان کا چینی مانجہ سے گلا کٹ گیا – شمشیر گنج میں واقعہ

حیدرآباد میں ایک اور نوجوان چینی مانجہ کا شکار

حیدرآباد میں ممنوعہ چینی مانجہ  ایک بار پھر جان لیوا ثابت ہوا۔ کیسرہ کے واقعہ کو زیادہ دن نہیں گزرے تھے کہ اب ایک اور نوجوان اس خطرناک مانجہ کی زد میں آکر شدید زخمی ہوگیا۔

پرانے شہر حیدرآباد کے علاقہ نواب صاحب کنٹہ سے تعلق رکھنے والا جمیل موٹر سائیکل پر چارمینار کی طرف جا رہا تھا کہ شمشیر گنج کے قریب اچانک چینی مانجہ اس کے گلے میں پھنس گیا، جس کے نتیجہ میں اس کے گلے پر گہرا زخم آیا۔

مقامی افراد نے فوری طور پر زخمی نوجوان کو ہاسپٹل منتقل کیا، جہاں ڈاکٹروں کے مطابق اس کی حالت نازک بتائی جا رہی ہے۔ واقعہ کے بعد عوام میں شدید تشویش پائی جا رہی ہے اور چینی مانجہ پر مؤثر پابندی کے مطالبات پھر سے زور پکڑنے لگے ہیں۔