حیدرآباد میں دل دہلا دینے والا واقعہ: بیوی پر شک میں اندھا شوہر، بچوں کے سامنے بیوی پر پٹرول ڈال کر زندہ جلا دیا

حیدرآباد شہر میں ایک دلخراش واقعہ پیش آیا، جہاں شوہر نے شک کی بنیاد پر اپنی بیوی پر پٹرول ڈال کر آگ لگا دی۔ یہ واقعہ چہارشنبہ کے روز نلّہ کنٹہ پولیس اسٹیشن کی حدود میں پیش آیا، جو تاخیر سے منظرِ عام پر آیا

۔پولیس کے مطابق وینکٹیش اور تریوینی میاں بیوی تھے، جنہوں نے پسند کی شادی کی تھی اور تلک نگر میں رہائش پذیر تھے۔ ان کے دو بچے ہیں۔ گزشتہ چند دنوں سے دونوں کے درمیان جھگڑے چل رہے تھے۔ اسی دوران شوہر نے بیوی کو قتل کرنے کا منصوبہ بنایا اور چہارشنبہ کی علی الصبح تریوینی پر پٹرول ڈال کر آگ لگا کر فرار ہو گیا

۔چیخ و پکار سن کر مقامی افراد نے خاتون کو فوری طور پر اسپتال منتقل کیا، جہاں علاج کے دوران وہ دم توڑ گئی۔ پولیس نے فرار ملزم وینکٹیش کی تلاش کے بعد جمعہ کے روز اسے گرفتار کر لیا۔