ریتو تاوڑے ممبئی کی میئر

ممبئی: ممبئی کی میئر کے طور پر مہایوتی سے تعلق رکھنے والی ریتو تاوڑے بلا مقابلہ منتخب ہو گئی ہیں۔ گزشتہ 25 برسوں میں یہ پہلا موقع ہے کہ بی جے پی کو یہ عہدہ حاصل ہوا ہے۔

مقامی سطح پر بی جے پی کی سینئر رہنما ریتو تاوڑے گھاٹ کوپر ویسٹ سے تین مرتبہ کارپوریٹر منتخب ہو چکی ہیں۔ انہیں ممبئی میونسپل کارپوریشن کی تعلیمی کمیٹی کی چیئرپرسن کے طور پر خدمات انجام دینے کا بھی تجربہ ہے۔

انہوں نے اپنی سیاسی زندگی کا آغاز وارڈ سطح سے کیا اور برہن ممبئی میونسپل کارپوریشن (BMC) میں کئی اہم ذمہ داریاں نبھائیں۔ 227 نشستوں والی برہن ممبئی میونسپل کارپوریشن (BMC) کے انتخابات میں بی جے پی نے 89 نشستیں جیتیں

جبکہ شنڈے سینا نے 29 نشستوں پر کامیابی حاصل کی۔