حاملہ بیوی کا قتل کرنے کے بعد نعش کو تکڑے تکڑے کرکے موسی ندی میں پھینک دیا – حیدراباد میں لومیاریج کرنے والے نوجوان کی درندہ صفت واردات

حیدرآباد شہر کے بوڈاوپل کے میڈدی پلی بالاجی ہلز علاقے میں دل دہلا دینے والا واقعہ پیش آیا۔ ایک شوہر نے اپنی حاملہ بیوی کو بے دردی سے قتل کرنے کے بعد اس کی لاش کے ٹکڑے ٹکڑے کر کے موسی ندی میں پھینک دئے۔

تفصیلات کے مطابق وقارآباد ضلع کاماریڈّی گوڑہ کی رہنے والی 22 سالہ سواتی اور مہیندر نے چند برس قبل محبت کی شادی کی تھی۔ دونوں بُوڑوپّل کے بالا جی ہلز کالونی میں مقیم تھے۔ ہفتہ کی دوپہر مہیندر نے سواتی کا گلا گھونٹ کر قتل کر دیا اور بعد ازاں اس کے جسم کے ہاتھ، پاؤں اور سر الگ کر کے موسی ندی میں پھینک دیا، جبکہ دھڑ کو پلاسٹک کور میں پیک کر کے اسے موسی ندی میں پھینک  دیا۔ پولیس نعش کے تکڑوں کو موسی ندی میں تلاش کررہی ہے

مہیندر نے قتل کے بعد اپنی بہن کو فون پر گمراہ کرتے ہوئے کہا کہ سواتی نے خودکشی کرلی ہے۔ بہن نے یہ اطلاع سواتی کے والدین تک پہنچائی۔ شبہ ہونے پر اہل خانہ نے پولیس کو خبر دی۔ اطلاع ملتے ہی میڑپَلّی پولیس جائے وقوعہ پر پہنچی اور ملزم مہیندر کو گرفتار کرلیا۔ پولیس قتل کی اصل وجوہات کا پتہ چلانے کے لیے تفتیش کر رہی ہے۔