ایک ہی موٹر سائیکل پر اسٹنٹس کرتے جارہے تھے 5 نوجوان ۔ حیدرآباد پولیس نے کرلیا گرفتار

حیدرآباد/ حیدرآباد کی سیف آباد پولیس نے سوشل میڈیا پر وائرل ہونے والی ویڈیو کے بعد خطرناک اسٹنٹ کرنے اور ایک ہی موٹر سائیکل پر سواری کرنے والے پانچ نوجوانوں کو گرفتار کر لیا۔

 

یہ واقعہ 29 مارچ کی رات تقریباً ایک بجے پیش آیا جب پانچ نوجوان ایک موٹر سائیکل پر تلنگانہ تلی فلائی اوور سے سکریٹریٹ کی طرف جا رہے تھے۔ موٹر سائیکل تیز رفتاری سے چلائی جا رہی تھی اور نوجوان خطرناک کرتب دکھا رہے تھے۔ ڈرائیور کے پیچھے تین افراد بیٹھے تھے جبکہ ایک شخص پٹرول ٹینک پر سوار تھا۔

 

اس واقعے کی ویڈیو سوشل میڈیا پر وائرل ہونے کے بعد سیف آباد پولیس نے مقدمہ درج کیا۔ پولیس نے کارروائی کرتے ہوئے 22 سالہ ارجن، 19 سالہ روہت، 19 سالہ انجیا کمار، 18 سالہ کوشک اور 18 سالہ مرلی کو گرفتار کر لیا۔

 

بتایا جاتا ہے کہ یہ تمام افراد مانکیشور نگر، رام نگر اور اڑکمیٹ کے رہنے والے ہیں۔