شادی کے نام پرحیدرآبادی خاتون کو دھوکہ۔ برطانیہ کا دلہا نقلی نکلا

File photo

حیدرآباد: آن لائن شادی کے نام پر ایک خاتون کو دھوکہ دیا گیا۔ تفصیلات کے مطابق احمد نامی شخص نے خود کو برطانیہ میں ڈاکٹر ظاہر کرتے ہوئے حیدرآباد کے سعید آباد سے تعلق رکھنے والی خاتون سے آن لائن دوستی بڑھائی۔ وہ اس سے

 

واٹس اپ کالز، میسجز اور ویڈیو چیٹنگ کے ذریعے مسلسل رابطے میں رہتا تھا۔ شادی کی تجویز کے بہانے اس نے خاتون سے دو بینک اکاؤنٹس کھُلوا لئے اور دو نئی سم کارڈ خریدنے کو بھی کہا۔بعد ازاں اس نے خاتون پر دباؤ ڈالا کہ بینک پاس

 

بُک اور اے ٹی ایم کارڈ نئی دہلی میں موجود ’’یو کے افیئرز آفس‘‘ کو بھیجے۔ اس نے جعلی ویزا اور نکاح سے متعلق جعلی دستاویزات بھی ارسال کیں۔ پھر مختلف بہانوں —جیسے پروسیسنگ فیس، ویزا فیس، ہوٹل میں قیام کے نام پر

 

پیسے مانگنے لگا۔ اس پر خاتون نے مجموعی طور پر 3,38,200 روپے اس کے اکاؤنٹ میں منتقل کیے۔بعد میں جب اس شخص سے رابطہ منقطع ہوگیا تو خاتون کو احساس ہوا کہ وہ دھوکے کا شکار ہوچکی ہے۔ اس نے فوری طور پر پولیس

 

سے شکایت کی۔ پولیس نے شکایت کی بنیاد پر مقدمہ درج کرکے تحقیقات کا آغاز کردیا ہے۔