9 ویں جماعت کے لڑکے سے محبت۔ انٹر میڈیٹ کی طالبہ نے دیا بچہ کو جنم۔ تلنگانہ کے ونپرتی ضلع میں شرمناک واقعہ

حیدرآباد: ریاست تلنگانہ ونپرتی ضلع میں ایک شرمناک واقعہ پیش آیا۔ ونپرتی منڈل کے ایک گاؤں سے تعلق رکھنے والا نویں جماعت کا لڑکا اور انٹرمیڈیٹ کی لڑکی کو ایک دوسرے سے محبت ہوگئی

 

 

اور ان دونوں کے درمیان تعلقات قائم ہوگئے جس کے نتیجہ میں لڑکی حاملہ ہوگئی۔جب یہ بات لڑکی کے والدین کو معلوم ہوئی تو انہوں نے رورل پولیس اسٹیشن میں شکایت درج کروائی۔ پولیس نے کیس تو درج کر لیا لیکن دونوں نابالغ ہونے کی وجہ سے کارروائی کے بارے میں الجھن کا شکار ہوگئی۔اسی دوران اس ماہ کی 14 تاریخ کو لڑکی نے ایک بچے کو جنم دیا۔

 

 

جب گاؤں میں پنچایت بٹھائی گئی تو لڑکے کے والدین نے صاف طور پر کہہ دیا کہ ہمارے بیٹے کا اس معاملے سے کوئی تعلق نہیں ہے۔ادھر پولیس نے کیس درج کر لیا ہے لیکن کارروائی کے لیے غور کر رہی ہے۔اس دوران لڑکی کے ارکان خاندان نے ہفتہ کے

 

 

روز ضلع ایس پی کے دفتر میں شکایت درج کرواتے ہوئے مطالبہ کیا کہ بچے کا ڈی این اے ٹیسٹ کروایا جائے تاکہ انہیں انصاف مل سکے۔