مہاراشٹر کی بی جے پی لیڈر ثنا خان کا قتل
ناگپور _ مہاراشٹر سے بی جے پی اقلیتی سیل کی لیڈر ثنا خان کو قتل کر دیا گیا۔ معلوم ہوا کہ اس کے شوہر نے ہی اسے قتل کر دیا ہے۔ وہ گزشتہ ایک ہفتے سے لاپتہ تھیں ۔ جبل پور اور ناگپور پولیس نے اپنی مشترکہ تحقیقات میں قتل کے معمہ کو حل لیا۔ امیت عرف پپو ساہو کو بیوی کو قتل کرنے کے کیس میں گرفتار کیا گیا ۔
ناگپور میں رہنے والی ثنا خان اپنے شوہر سے ملنے جبل پور گئی تھیں۔ وہ امیت سے دو دن میں مل کر واپس آنا چاہتی تھی۔ لیکن وہاں جانے کے بعد وہ غائب ہو گئیں۔ وہ اپنے گھر واپس نہیں ہوئیں ۔ معلوم ہوا ہے کہ ثنا خان کی امیت کے ساتھ لڑائی ہوئی تھی جو شراب اسمگلنگ کے کاروبار میں ہے۔ دونوں کے درمیان مالی لین دین کو لے کر برسوں سے تنازعہ چل رہا ہے۔
لیکن امیت نے پولس پوچھ تاچھ کے دوران ثنا خان کو قتل کرنے کا اعتراف کیا۔ اس نے کہا کہ اس نے ثنا کو گھر میں مارا۔ اس کے سر پر لکڑی سے مارا اور زور دار چوٹ لگنے سے اس کی موت ہوگئی۔ اس کے بعد اس نے اس کی نعش کو جبل پور کے قریب دریائے ہیران میں پھینک دیا۔ اس کیس سے منسلک ایک اور شخص کی تلاش جاری ہے۔
ثنا خان 2 اگست کو ناگپور سے جبل پور گئی تھیں۔ اس کے بعد وہ غائب ہوگئیں ۔گھر والوں نے کافی تلاش کی لیکن وہ نہ مل سکی۔ تاہم ناگپور اور جبل پور پولیس نے مشترکہ کارروائی کرتے ہوئے ملزم کو گرفتار کرلیا۔
