آندھراپردیش ۔ ایرناکولم ایکسپریس میں لگی آگ ایک شخص زندہ جل گیا
حیدرآباد ۔ ریاست آندھراپردیش وشاکھاپٹنم کے دوواڑہ کے راستے ایرناکولم جانے والی ٹاٹا–ایرناکولم ایکسپریس میں آتش زدگی کا واقعہ پیش آیا۔ یہ حادثہ رات تقریباً 1:30 بجے اچانک پیش آیا جس کے نتیجے میں دو اے سی کوچیس جل کر تباہ ہو گئے۔ اس حادثے میں ایک شخص زندہ جل گیا۔
اتوار کی رات ایرناکولم ایکسپریس انکاپلّی دیر سے پہنچی۔ وہاں سے روانہ ہونے کے بعد نرسنگ بلی کے قریب بی-1 اے سی کوچ کے بریک جام ہو جانے کی وجہ سے آگ بھڑکنے کی اطلاع ہے۔ اس کے نتیجے میں بی-1 اور ایم-2 اے سی کوچیس میں آگ پھیل گئی۔
اس واقعے کو یلامَنچلی کے قریب ایک پوائنٹ پر لوکو پائلٹس نے محسوس کیا اور فوری طور پر ٹرین کو اسٹیشن پر روک دیا۔ اناکاپلّی، یلامَنچلی اور نکہ پلی سے فائر بریگیڈ کا عملہ موقع پر پہنچا اور آگ پر قابو پایا لیکن تب تک دونوں کوچیس مکمل طور پر جل چکے تھے۔
بی-1 کوچ میں ایک شخص زندہ جل گیا۔ متوفی کی شناخت وشاکھاپٹنم کے چندرشیکھر سندر (عمر 70 سال) کے طور پر کی گئی ہے۔ریلوے کے اعلیٰ حکام موقع پر پہنچ کر معائنہ کر رہے ہیں۔ اس حادثے کے باعث وشاکھاپٹنم–ایف روٹ پر تمام ٹرینوں کی آمد و رفت روک دی گئی۔
رات 3:30 بجے کے بعد جلے ہوئے دونوں کوچیس کو ہٹا دیا گیا۔حادثے کے سبب متاثرہ کوچیس کے مسافروں کو شدید سردی میں کافی دیر تک اسٹیشن پر انتظار کرنا پڑا۔ بعد ازاں ریلوے حکام نے انہیں تین آر ٹی سی بسوں کے ذریعے سامرلکوٹہ ریلوے اسٹیشن منتقل کیا۔
سامرلاکوٹہ میں دو اے سی کوچیس جوڑ کر وہاں سے ٹرین کو ایرناکولم روانہ کیا جائے گا۔
