ایئر ہوسٹس کے ساتھ ناشائستہ برتاو ۔ حیدرآباد ایر پورٹ پر مسافر گرفتار

حیدرآباد آباد: ایک مسافر نے فضائی سفر کے دوران ایئر ہوسٹس کے ساتھ ناشائستہ برتاؤ کیا جس کے بعد آر جی آئی اے پولیس نے اسے حراست میں لے کر ریمانڈ پر بھیج دیا۔ پولیس کے مطابق دبئی سے آنے والی ایئر انڈیا کی پرواز AI-2204 صبح تقریباً چار بجے شمش‌آباد ایئرپورٹ پہنچی۔ سفر کے دوران 17C نمبر سیٹ پر بیٹھے

ایک مسافر نے ایئر ہوسٹس کو بار بار ہاتھ سے چھوا۔عملے نے سمجھا کہ شاید شراب کے نشے میں وہ غلطی سے ہاتھ لگا رہا ہو۔ تاہم جب پرواز اترنے کے بعد اس مسافر نے کہا کہ اس کا پاسپورٹ اس کی سیٹ پر رہ گیا ہے تو عملہ دوبارہ اس کی سیٹ پر گیا۔وہاں انہوں نے دیکھا کہ اس نے سفید کاغذ پر ایئرلائنز عملے کے بارے میں نہایت فحش اور توہین آمیز الفاظ لکھے تھے۔

یہ دیکھ کر ایئرلائنز حکام نے فوراً آر جی آئی اے پولیس میں شکایت درج کرائی۔پولیس نے مسافر کو گرفتار کرکے ریمانڈ پر بھیج دیا۔