حیدرآباد کے خزانہ جویلرز کو لوٹنے والے 6 ڈاکو پکڑے گئے
حیدرآباد میں خزانہ جیولرز کی ڈکیتی کے کیس میں پولیس نے 6 ڈاکوؤں کو گرفتار کر لیا ہے۔ یہ چھ مجرم دو موٹر بائیکس پر سوار تھے۔ پولیس نے تین ڈاکوؤں کو پٹان چرو سرویس روڈ پر اور باقی تین کو سنگارڈی کے قریب گرفتار کیا۔
یہ ڈاکو پہلے دو بائیکس چوری کر چکے تھے اور انہی بائیکس پر سوار ہو کر خزانہ جیولرز کی دکان سے زیورات لوٹ کر فرار ہو رہے تھے۔ ملزمین نے اپنے چہرے پر ماسک، سر پر ٹوپی اور ہاتھوں میں دستانے پہن رکھے تھے تاکہ پہچانے نہ جائیں۔ پولیس نے انہیں موقع واردات سے گرفتار کر کے قانونی کارروائی شروع کر دی ہے۔
واضح رہے کہ منگل کی صبح حیدرآباد کے چندانگر میں دن دہاڑے خزانہ جیولرز پر مسلح ڈکیتی کی کوشش سے علاقے میں خوف و ہراس پھیل گیا تھا عینی شاہدین کے مطابق دکان کھلنے کے صرف 5 منٹ بعد ہی چھ رکنی مسلح گینگ نے حملہ کر دیا، شو روم کے اسسٹنٹ مینیجر اور عملے کو گن پوائنٹ پر لیا، مزاحمت کرنے پر مینیجر کی ٹانگ پر گولی مار دی۔ ڈاکوؤں نے دو راؤنڈ ہوائی فائرنگ کی اور عملے کے دیگر افراد کو بھی زخمی کر دیا تھا
زخمی ملازمین نے فوری طور پر پولیس کو فون کر کے اطلاع دی، جس پر پولیس کی بھاری نفری موقع پر پہنچی۔ واردات کے بعد ملزمین لاکھوں روپے مالیت کے زیورات لوٹ کر فرار ہو گئے تھے ۔ پولیس نے علاقے کی ناکہ بندی کر کے سرچ آپریشن شروع کیا اور ڈاکوؤں کی گرفتاری کے لیے 10 خصوصی ٹیمیں تشکیل دی تھی اس 24 گھنٹے کے اندر تمام ملزمین کو گرفتار کرلیا گیا
