سب انسپکٹر پولیس نے سرویس ریوالور ہی رہن رکھ دی۔ حیدرآباد میں عجیب و غریب واقعہ

حیدرآباد: چوری کے ایک معاملہ میں ضبط کیا گیا سونا سب انسپکٹر نے ایک ساہوکار کے پاس رہن رکھ دیا بعد ازاں یہ بھی معلوم ہوا کہ اس نے سرویس ریوالور بھی گروی رکھ دی۔ یہ واقعہ حیدرآباد کے عنبر پیٹ پولیس اسٹیشن کے حدود میں پیش آیا۔

 

 

ایسٹ زون کے ڈی سی پی بالاسوامی کے مطابق آندھرا پردیش کے رہنے والے بھانو پرکاش 2020 بیاچ کا ہے۔ وہ گزشتہ چند برسوں سے عنر پیٹ پولیس اسٹیشن میں خدمات انجام دے رہا تھا۔ پٹیل نگر میں گھریلو ملازمہ کی چوری کے ایک معاملے میں 4.3 تولے سونا برآمد کیا گیا تھا۔ عدالت میں زیرِ سماعت یہ کیس لوک عدالت میں نمٹا دیا گیا۔

 

 

جب ضبط شدہ سونا مالک کے حوالے کرنے کا وقت آیا تو معلوم ہوا کہ وہ سونا موجود نہیں ہے۔تحقیقات میں انکشاف ہوا کہ اے ایس آئی نے آن لائن بیٹنگ کے لیے درکار رقم کیلئے یہ سونا ایک مارواڑی کے پاس رہن رکھ دیا۔ سونا برآمد کرلیا گیا ہے۔ اسی دوران معلوم ہوا ہے کہ اس کی سرویس ریوالور گم ہوگئ۔ ان واقعات کے پیشِ نظر اسے چار دن پہلے ہی

 

 

ڈیوٹی سے معطل کردیا گیا۔ تحقیقات کے دوران معلوم ہوا کہ سب انسپکٹر نے سونے کے ساتھ ساتھ ریوالور بھی رہن رکھ دی تاہم باوثوق ذرائع سے یہ بھی پتہ چلا کہ اس نے یہ ریوالور فروخت کردی۔ اس وقت وہ پولیس حراست میں ہے اور پوچھ تاچھ کا عمل جاری ہے۔