شادی کی تقریب میں دو برقعہ پوش خواتین کی چوری – حیدرآباد کے ایک فنکشن ہال میں واردات
حیدرآباد: شادی کی تقریب میں برقعہ پوش خواتین کی پرس چوری کی واردات، پولیس تحقیقات میں مصروف
حیدرآباد کے چندرئن گٹہ ایکس روڈ پر واقع ایک فنکشن ہال میں منعقدہ شادی کی تقریب میں شرکاء کے لئے حیران کن اور سنسنی خیز واقعہ پیش آیا۔ تقریب کے دوران دو برقعہ پوش خواتین تقریب میں داخل ہوئیں اور مبینہ طور پر متعدد خواتین کے پرس اور بیگ چرانے میں کامیاب ہو گئیں۔
واقعہ اس وقت سامنے آیا جب تقریب میں شریک خواتین نے اپنے پرس تلاش کئے اور وہ غائب پائے گئے۔ فوری طور پر فنکشن ہال کی انتظامیہ کو اطلاع دی گئی، جس نے نگرانی کیمرے کی ریکارڈنگ کا جائزہ لیا۔ کیمرے کی فوٹیج میں صاف نظر آیا کہ دو برقعہ پوش خواتین پرس اور بیگ چوری کرنے میں ملوث تھیں اور وہ موقع سے خاموشی سے فرار ہو گئیں۔
ذرائع کے مطابق بنڈلہ گوڑہ پولیس نے ریکارڈ شدہ شواہد کے مطابق مقدمہ درج کر کے تحقیقات کا آغاز کر دیا ہے اور امید ظاہر کی گئی ہے کہ جلد ہی ملزمان کو گرفتار کیا جائے گا۔ پولیس نے شہریوں اور تقریب میں شریک افراد سے اپیل کی ہے کہ وہ اپنے قیمتی سامان کا خاص خیال رکھیں اور کسی بھی مشکوک سرگرمی کی فوری اطلاع دیں
