خاتون کی بات پر بھروسہ مہنگا پڑا۔ حیدرآباد کے پرانے شہر کا نوجوان 27 لاکھ سے محروم
حیدرآباد ۔ حیدرآباد کے پرانے شہر سے تعلق رکھنے والے نوجوان کو بٹ کوائن ٹریڈنگ میں سرمایہ کاری کے نام پر ٹھگ لیا گیا ۔ پرانا شہر کے علاقہ چندرائن گٹہ سے تعلق رکھنے والا 30 سالہ نوجوان شادیوں کے رشتہ جوڑنے والی ایک ویب سائٹ کے ذریعہ ایک خاتون سے رابطہ میں آیا
خاتون نے اپنا تعلق چینائی سے بتایا اور کہا کہ وہ اس وقت لندن میں مقیم ہے۔ خاتون نے شادی کا وعدہ کر کے نوجوان کا اعتماد حاصل کیا۔ بعد ازاں اس نے ایک فرضی آن لائن پلیٹ فارم کے ذریعہ نوجوان کو بٹ کوائن ٹریڈنگ میں سرمایہ کاری کے لئے راضی کیا اور بتایا کہ اس میں بہت فائدہ ہے۔ نوجوان نے اپنی جمع پونجی اور دوستوں سے قرض لے کر جملہ 27 لاکھ 50 ہزار روپے کی سرمایہ کاری کی۔
آن لائن انہیں 1.34 کروڑ منافع دکھا یا گیا لیکن رقم حاصل کرنے کے لئے 13.47 لاکھ 10 فیصد 10 فیصد ٹیکس ادا کرنے کی ہدایت کی گئی جس پر نوجوان کو شبہ ہوا اور اس نے سائبر کرائم پولیس سے رجوع ہو کر اس سلسلہ میں شکایت کی۔
Hyderabad – Hyderabad ke purane shehar se taalluq rakhne wale ek naujawan ko Bitcoin trading mein sarmayakari ke naam par thag liya gaya. Purana sheher ke ilaqe Chandrayangutta se taalluq rakhne wala 30 saal ka naujawan shaadiyon ke rishte jodne wali ek website ke zariye ek khatoon se raabta mein aaya.
Khatoon ne apna taalluq Chennai se bataya aur kaha ke woh is waqt London mein muqeem hai. Khatoon ne shaadi ka wada karke naujawan ka aitbaar hasil kiya. Baad mein usne ek farzi online platform ke zariye naujawan ko Bitcoin trading mein sarmayakari ke liye razi kiya aur bataya ke ismein bohot faida hai.
Naujawan ne apni jami poonji aur doston se qarz le kar kul 27 lakh 50 hazaar rupay ki sarmayakari ki.
Online unhein 1.34 crore ka munafa dikhaya gaya, lekin raqam hasil karne ke liye 13.47 lakh (10% tax) ada karne ki hidayat di gayi. Is par naujawan ko shak hua aur usne cyber crime police se raabta karke is silsile mein shikayat darj karwai.
