ورلڈ باکسنگ کپ فائنل میں ہندوستان کا شاندار مظاہرہ، نکہت زرین نے سب کو حیران کر دیا

: ورلڈ باکسنگ کپ فائنل میں ہندوستان کا شاندار مظاہرہ، نکہت زرین نے سب کو حیران کر دیا

 

نویڈا: ہندوستان کی اسٹار باکسر نکہت زرین نے ورلڈ کپ باکسنگ فائنلز میں شاندار کارکردگی کا مظاہرہ کرتے ہوئے خواتین 51 کلوگرام کے فائنل میں چائنا تائیپے کی گوو یی ژوان کو 5-0 سے شکست دے کر سونے کا تمغہ جیتا۔ نکہت زرین نے پہلے راؤنڈ سے ہی جارحانہ حکمت عملی اختیار کی اور مضبوط پنچوں سے حملے کرتے ہوئے میچ کا دبدبہ برقرار رکھا، جس کے نتیجہ میں آسانی سے فتح حاصل کی۔

 

تلنگانہ کے نظام آباد میں سے تعلق رکھنے والی نکہت زرین حال ہی میں عالمی چیمپیئن شپ کے کوارٹر فائنل میں ہار گئی تھی، لیکن تازہ سونے کے تمغے نے اسے دوبارہ شاندار انداز میں سرفراز کیا۔ اس کے علاوہ ہندوستان نے مزید 8 سونے کے تمغے بھی اپنے نام کیے۔

 

خواتین کے دیگر مقابلوں میں جیسمن لیمبوریا (57 کلوگرام) نے پیرس اولمپکس کے کانسی کے تمغہ یافتہ وو یی (چائنا تائیپے) کو شکست دی۔ پروین ہُڈا (60 کلوگرام) نے جاپان کی آیاکا تگچی کو مات دی، نُپر شیرون (80 کلوگرام) نے ازبکستان کی سوتیمبایوا کو ہرایا، اروندھتی (70 کلوگرام) نے بھی فتح حاصل کی، پریتی پنور (54 کلوگرام) نے اٹلی کی سریں کو شکست دی، اور مینکشی ہُڈا (48 کلوگرام) نے ازبکستان کی فوزلیوا کو مات دے کر سونے کے تمغے اپنے نام کیے۔

 

مردوں کے مقابلوں میں ہیتیش گولیا نے 70 کلوگرام میں قازقستان کے ناربیک کو ہرایا اور سونا جیتا، جبکہ سچن سیواچ نے 60 کلوگرام میں کرغیزستان کے مناربیک کو شکست دے کر سونے کے تمغے حاصل کیے۔ بھارت نے مزید پانچ چاندی کے تمغے بھی اپنے نام کیے۔

 

چاندی کے تمغے جادومانی سنگھ (50 کلوگرام)، انکُش (80 کلوگرام)، پاون (55 کلوگرام)، ابیناش (65 کلوگرام) اور پوجا رانی (80 کلوگرام) نے فائنل میں ہار کر حاصل کیے۔ جادومانی سنگھ ازبکستان کے آسیلبیک کے ہاتھوں ہارے، پاون آسیلبیک کے ہاتھوں ہارا، ابیناش نے جاپان کی نیشیمہ کو شکست دی، انکُش نے انگلینڈ کے اولادمِج کو ہرایا اور اروندھتی پولینڈ کی اگٹا کے ہاتھوں ہاری۔

 

مجموعی طور پر ہندوستان نے ٹورنامنٹ میں 20 تمغے حاصل کئے جن میں 9 سونے، 6 چاندی اور 5 کانسی کے تمغے شامل ہیں، اور ٹورنامنٹ کی فہرست میں سرِ فہرست رہا۔