اسرائیل نے ایران پر حملہ کردیا

نئی دہلی ۔جمعہ کی صبح اسرائیل نے ایران کے مختلف شہروں پر بڑے پیمانے پر فضائی حملے کیے، جن میں تہران، نطنز، خنداب اور خرم‌آباد شامل ہیں۔ ان حملوں کا ہدف ایران کی جوہری اور عسکری تنصیبات تھیں۔

 

ایرانی سرکاری میڈیا کے مطابق ان حملوں میں پاسداران انقلاب (IRGC) کے سربراہ میجر جنرل حسین سلامی جان بحق ہو گئے ہیں۔ ایرانی نیوز چینل آئی آر آئی این این کے مطابق نطنز میں یورینیم افزودگی کے پلانٹ، خنداب میں ہیوی واٹر ری ایکٹر اور خرم‌آباد میں بیلسٹک میزائل کے اڈے پر شدید بمباری کی گئی۔

 

تہران میں کئی علاقوں میں دھماکوں کی آوازیں سنی گئیں، جبکہ سوشل میڈیا پر سامنے آنے والی ویڈیوز میں مشرقی تہران میں دھماکوں اور شمالی علاقوں میں فضائی دفاعی نظام کے میزائلوں کی آوازیں واضح طور پر سنی جا سکتی ہیں۔

 

اسرائیلی وزیر دفاع یوآف گیلنٹ نے حملے کے فوراً بعد ملک بھر میں ہنگامی حالت کا اعلان کرتے ہوئے شہریوں کو ممکنہ ایرانی میزائل اور ڈرون حملوں سے خبردار کیا۔ وزیر اعظم بنجامن نیتن یاہو نے کہا "یہ کارروائی اُس وقت تک جاری رہے گی جب تک خطرہ مکمل طور پر ختم نہیں ہو جاتا۔”