محمد اظہرالدین کے قلمدان کا اعلان – وزیر اقلیتی بہبود کے ساتھ ایک اور محکمہ کی ذمہ داری

تلنگانہ میں حالیہ دنوں چیف منسٹر ریونت ریڈی کی قیادت میں کی گئی کابینہ کی توسیع  کے دوران سینئر کانگریس قائد سابق کرکٹر محمد اظہر الدین کو شامل کیا گیا تھا اج انھیں اہم ذمہ داریاں سونپی گئی ہیں۔

 

کابینہ میں توسیع اور محکموں کی تقسیم کے دوران حکومت نے اظہر الدین کو اقلیتی بہبود (Minority Welfare) کے ساتھ ساتھ پبلک انٹرپرائزز (Public Enterprises) کے محکمے کی ذمہ داری بھی سونپی ہے۔

 

ذرائع کے مطابق، چیف منسٹر ریونت ریڈی نے یہ فیصلہ اقلیتی برادری کی نمائندگی کو مضبوط بنانے اور عوامی اداروں کے انتظام کو مؤثر بنانے کے مقصد سے کیا ہے۔ اظہر الدین کو اس سے پہلے کھیلوں کے شعبے میں ان کی خدمات کے باعث عوامی مقبولیت حاصل رہی ہے، اور اب وہ پہلی مرتبہ ریاستی کابینہ میں شامل کیے گئے ہیں۔

 

اقلیتی بہبود کے محکمے کے تحت وہ اسکالرشپ، روزگار اسکیموں، حج کمیٹی، وقف بورڈ، اور دیگر اقلیتی اداروں کی کارکردگی کا جائزہ لیں گے۔

 

جبکہ پبلک انٹرپرائزز کے وزیر کے طور پر وہ ریاست کے مختلف سرکاری اداروں اور کارپوریشنز کی کارکردگی کو بہتر بنانے پر توجہ دیں گے۔