روہنگیا مہاجرین کی کشتی سمندر میں الٹ گئی – بنگلہ دیش سے ملائیشیا جانے والے 250 افراد لاپتہ، بچوں سمیت کئی زندگیاں داؤ پر

انڈمان سمندر میں ایک خوفناک حادثہ پیش آیا ہے جہاں روہنگیا مہاجرین اور بنگلہ دیشی شہریوں کو لے جانے والی ایک کشتی ڈوب گئی۔ اس سانحہ میں تقریباً 250 افراد لاپتہ ہوگئے ہیں

، جن کی تلاش کے لیے سمندر میں بڑے پیمانے پر امدادی کارروائیاں جاری ہیں۔ لاپتہ افراد میں معصوم بچے بھی شامل ہیں۔اس افسوسناک واقعہ پر اقوام متحدہ کے ہائی کمشنر برائے مہاجرین اور انٹرنیشنل آرگنائزیشن فار مائیگریشن نے مشترکہ بیان جاری کیا ہے

۔ بیان کے مطابق یہ کشتی جنوبی بنگلہ دیش کے علاقے ٹیکناف سے روانہ ہوئی تھی اور ملائیشیا جا رہی تھی کہ راستے میں تیز ہواؤں اور بلند سمندری لہروں کے باعث حادثے کا شکار ہوگئی۔حکام کے مطابق کشتی میں گنجائش سے زیادہ مسافروں کو سوار کیا گیا تھا، جو اس سانحے کی ایک بڑی وجہ ہوسکتی ہے۔