ہم ایران سے بات چیت کرنا چاہتے ہیں لیکن وہاں کوئی موجود نہیں ہے: ٹرمپ
نئی دہلی: انٹرنیشنل میڈیا رپورٹ کے مطابق امریکی صدر ڈونالڈ ٹرمپ نے وائٹ ہاؤس میں ایران کے حوالے سے مختصر بات چیت کی ۔
ٹرمپ کی باتوں میں ایک اہم نکتہ یہ تھا کہ “ہم ایران سے بات چیت کرنا چاہتے ہیں” لیکن ان کے بقول مذاکرات کے لیے “کوئی موجود نہیں” ہے۔ تاہم یہ بیان اس بات کو واضح کرنے کے لیے کافی نہیں کہ امریکی صدر آئندہ کیا حکمتِ عملی اختیار کرنا چاہتے ہیں۔
امریکی صدر اس سے قبل متعدد بار یہ دعویٰ کر چکے ہیں کہ ایران کی قیادت سے وابستہ کئی اہم شخصیات کو ختم کر دیا گیا ہے۔ انہوں نے یہ اشارہ بھی دیا کہ مجتبیٰ خامنہای جنگ کے آغاز میں زخمی ہونے کے بعد ممکنہ طور پر ملک کی قیادت مؤثر انداز میں کرنے کے قابل نہیں رہے۔
تاہم یہ اب بھی واضح نہیں کہ ٹرمپ کے نزدیک ایران میں روزمرہ امور کون چلا رہا ہے یا مستقبل میں قیادت کس کے ہاتھ میں جا سکتی ہے۔ٹرمپ یہ بھی کہہ چکے ہیں کہ ان کے خیال میں امریکہ کو ایران کے نئے رہنما کے انتخاب میں کردار ادا کرنا چاہیے۔
