اترپردیش کے فتح پور میں ایک مقبرے کو نقصان پہنچانے کا واقعہ

اتر پردیش کے فتح پور میں واقع ایک تاریخی مقبرے کو نقصان پہنچانے کا واقعہ پیش آیا ۔میڈیا رپورٹس کے مطابق ہندو انتہا پسندوں نے  فتح پور میں واقع نواب عبدالصمد رحمت اللہ علیہ کے مقبرے  پر توڑ پھوڑ کی اور ان پر بھگوا جھنڈا لگا دیا۔ شر پسندوں کا دعوی ہے   کہ مقبرہ دراصل ایک شیو مندر ہے۔

 

تفصیلات کے مطابق  پیر کے روز ایک ہندو تنظیم کے ارکان نے ایک مقبرے کو منہدم کر دیا۔ ان کا دعویٰ ہے کہ یہ ڈھانچہ دراصل ایک ہزار سال قدیم مندر کی جگہ پر تعمیر کیا گیا تھا۔ ضلع انتظامیہ نے علاقے میں بڑی تعداد میں پولیس اور پی اے سی فورس تعینات کر دی ہے

 

اور متنازعہ مقام کے اطراف بیریکیڈز لگا دیے ہیں تاکہ کسی بھی ممکنہ کشیدگی کو روکا جا سکے۔یہ تنازعہ صدر تحصیل کے ریڈیا، ابو نگر علاقے میں واقع اس ڈھانچے پر ہے جو سرکاری ریکارڈ میں خاصرہ نمبر 753 کے تحت قومی ملکیت کے طور پر درج ہے۔

 

تاہم، "ماتھ مندر سنرکشن سنگھرش سمیتی” اور دیگر ہندو گروپوں بشمول بی جے پی کے قایدین نے دعویٰ کیا ہے کہ یہ تھاکور جی اور بھگوان شیو کو وقف ایک مندر ہے۔اطلاعات کے مطابق، گروپ آج اس مقام پر پوجا کرنے کا منصوبہ بنا رہا ہے، جس سے حالات مزید کشیدہ ہو سکتے ہیں

 

۔ ضلع انتظامیہ نے علاقے میں بھاری پولیس اور پی اے سی فورس تعینات کر دی ہے اور بیریکیڈز لگا کر مقام کو گھیر لیا ہے تاکہ کسی بھی ممکنہ تصادم کو روکا جا سکے۔