ایشیا کپ فائنل میں سری لنکا نے پاکستان کو شکست دے دی

حیدرآباد _ 12 ستمبر ( اردولیکس ڈیسک) سری لنکا نے ایشیا کپ فائنل جیت لیا۔ ٹائٹل فائٹ میں پاکستان کو 23 رنز سے شکست دی۔ سری لنکا نے 170 رنز بنائے.. پاکستان 147 رنز پر آؤٹ ہوگئی۔ اس کے ساتھ ہی سری لنکا چھٹی بار ایشیا کپ کی فاتح ٹیم بن گئی۔ ٹاس ہارنے اور پہلے بیٹنگ کرنے کے بعد لنکا کو شروع میں پاک باؤلرز کی تیز رفتاری نے رنز بنانے سے  روک دیا۔ کشال مینڈس پہلی ہی گیند پر آؤٹ ہو گئے.. اس کے فوراً بعد نشنکا اور گناتھیلاکا بھی آؤٹ ہو گئے۔ اس کے بعد آنے والے ڈی سلوا نے مسلسل کھیلتے ہوئے پاور پلے میں  42 رنز بنائے۔

راجا پاکسے نے لنکا کا ساتھ دیا،  انہوں نے اپنی شاندار اننگز سے ٹیم کو اچھا اسکور دیا۔ راجا پاکسے نے 45 گیندوں میں 71 رنز بنائے اور ہسرنگا کے ساتھ مل کر ٹیم کے اسکور کو 170 تک پہنچا دیا۔ پاکستانی باؤلرز میں حارث رؤف نے 3 وکٹیں حاصل کیں۔شاداب خان، نسیم شاہ اور افتخار احمد نے ایک ایک وکٹ حاصل کی۔

171 رنز کے ہدف کے ساتھ مقابلہ میں داخل ہونے والی پاکستانی ٹیم شروع سے ہی ناقص کارکردگی دکھائی، کپتان بابر اعظم ایک بار پھر ناکام رہے، فخر زمان ڈک آؤٹ ہوئے۔ اس تسلسل میں رضوان اور افتخار نے تسلسل سے کھیلتے ہوئے تیسری وکٹ کے لیے 71 رنز جوڑے۔ تاہم سری  لنکن باؤلرز نے لگاتار وکٹیں لے کر پاکستانی ٹیم کو ڈھیر  کر دیا۔ سری لنکن گیند بازوں میں پرمود نے 3 اور ہسرنگا نے 3 وکٹیں حاصل کیں۔