زنخہ حاملہ! مستان سے تمنا سمہادری بننے والےٹرانسجینڈر کا دعویٰ
مستان سے تمنا سمہادری بننے والی زنخہ حاملہ!
حیدرآباد: بگ باس شو کے ناظرین کے لیے جانی پہچانی زنخہ تمنا سمہادری نے حال ہی میں سوشل میڈیا پر ایک سنسنی خیز خبر کے ذریعے سب کو حیران کر دیا ہے۔ کچھ عرصے سے خبروں میں نظر نہ آنے والی تمنا سمہادری نے حال ہی میں انکشاف کیا کہ ان کی شادی کو ایک سال مکمل ہو گیا ہے اور انہوں نے اپنے شوہر کی تصویر بھی شیئر کی۔
اب اس سے بھی آگے بڑھتے ہوئے انہوں نے خود کے حاملہ ہونے کا دعویٰ کیا اوراپنی تصویر شیئر کی جو انٹرنیٹ پر وائرل ہو رہی ہے۔ تمنا سمہادری کا پس منظر کافی دلچسپ ہے۔ ریاست آندھرا پردیش کے وجئے واڑہ سے تعلق رکھنے والی تمنا کا پیدائش کے وقت نام مستان تھا
اور وہ لڑکے کے طور پر پیدا ہوئی تھیں۔ والدین کی منتوں کے باعث مستان کی پیدائش ہوئی لیکن بچپن سے ہی ان میں نسوانی خصوصیات نظر آتی تھیں۔ بعد میں بڑی ہو کر وہ ممبئی گئیں اور جنس کی تبدیلی کا آپریشن کروایا جس کے بعد وہ تمنا سمہادری بن گئیں۔
انہوں نے بگ باس تلگو سیزن 3 میں وائلڈ کارڈ انٹری کے ذریعے حصہ لیا اور اپنی منفرد انداز سے پہچان بنائی۔ خاص طور پر اینکر شریمکھی کے ساتھ ان کی دوستی آج بھی برقرار ہے۔تمنا نے سیاست میں بھی اپنی قسمت آزمائی۔ سابق وزیر سمہادری ستیہ نارائنہ کی وارث کے طور پر انہوں نے 2019 میں منگلگیری میں نارا لوکیش کے خلاف
اور 2024 میں پٹھاپورم میں پون کلیان کے خلاف آزاد امیدوار کے طور پر الیکشن میں حصہ لیا لیکن دونوں بار شکست ہوئی۔ تاہم اب سیاست سے زیادہ ان کی ذاتی زندگی موضوع بحث بنی ہوئی ہے۔ ایک ٹرانسجینڈر خاتون کے حاملہ ہونے کے امکان پر سوشل میڈیا صارفین سوالات اٹھا رہے ہیں۔
تمنا کا کہنا ہے کہ انہوں نے ایک خاص علاج کروایا ہے اور اسی کی کامیابی کے باعث وہ اب حاملہ ہیں۔ اس پر سوشل میڈیا پر مختلف آراء سامنے آ رہی ہیں۔ کچھ لوگ انہیں مبارکباد دے رہے ہیں جبکہ کچھ اسے محض فوٹو شوٹ یا مذاق قرار دے رہے ہیں۔ بہرحال
کل شادی کی خبر اور آج حمل کی خبر کے ساتھ تمنا سمہادری ایک بار پھر تلگو ریاستوں میں موضوع بحث بن گئی ہیں۔
