بغیر تار برقی کی منتقلی — فن لینڈ کا انقلابی تجربہ، توانائی کے شعبہ میں نئی امید

شمالی یورپ کا ملک فن لینڈ توانائی کے شعبے میں ایک انقلابی قدم اٹھاتے ہوئے برقی کو بغیر تار کے منتقل کرنے کی جدید ٹیکنالوجی پر تجربات کر رہا ہے۔ ماہرین کے مطابق یہ طریقہ مستقبل میں برقی کی ترسیل کے روایتی نظام کو مکمل طور پر بدل سکتا ہے۔

 

تحقیقی اداروں اور ٹیکنالوجی کمپنیوں کے اشتراک سے جاری اس منصوبے میں وائرلیس پاور ٹرانسمیشن  کے ذریعہ توانائی کو ایک مقام سے دوسرے مقام تک پہنچانے کی کوشش کی جا رہی ہے۔ اس ٹیکنالوجی میں ریڈیو ویوز، مائیکرو ویوز یا مقناطیسی میدان کے ذریعہ برقی منتقل کی جاتی ہے، جس سے تاروں اور کیبلز کی ضرورت کم ہو سکتی ہے۔

 

ماہرین کا کہنا ہے کہ اگر یہ تجربہ کامیاب رہا تو نہ صرف برقی کی سربراہی سستی اور محفوظ ہو جائے گی بلکہ دور دراز علاقوں تک برقی پہنچانا بھی آسان ہو جائے گا۔ اس کے علاوہ اسمارٹ شہروں، الیکٹرک گاڑیوں اور جدید صنعتی نظام میں بھی اس ٹیکنالوجی کا وسیع استعمال ممکن ہوگا۔

 

تاہم ماہرین نے یہ بھی واضح کیا ہے کہ اس ٹیکنالوجی کو بڑے پیمانے پر نافذ کرنے سے قبل اس کی کارکردگی، لاگت اور حفاظتی پہلوؤں پر مزید تحقیق کی ضرورت ہے۔