پنجاب کی جیل میں گینگ وار _ گلوکار سدھو موسی والا کے دو قاتل گینگ وار میں مارے گئے

نئی دہلی _ 26 فروری ( اردولیکس ڈیسک)  پنجاب کی گوندوال صاحب جیل میں گینگ وار کا واقعہ پیش آیا۔جس میں آنجہانی گلوکار سدھو موسی والا کے قتل کیس کے دو ملزمین  تصادم میں مارے گئے۔ سینئر سپرنٹنڈنٹ آف پولیس گرمیت سنگھ چوہان نے بتایا کہ ترن تارن ضلع کی گوندوال صاحب سنٹرل جیل میں گینگ وار میں دو قیدی  ہلاک اور ایک زخمی ہوا۔ بتایا جاتا ہے کہ تینوں کا تعلق ایک ہی برادری سے ہے۔

مرنے والوں کی شناخت بٹالہ کے مندیپ سنگھ عرف طوفان اور بڈھلاڈا کے رہنے والے منموہن سنگھ عرف موہنا کے طور پر ہوئی ہے۔  ایک اور قیدی کیشو جو گینگ وار میں زخمی ہوا ۔  اسے اسپتال لے جایا گیا ہے۔ انہوں نے کہا کہ قیدیوں کے درمیان لڑائی ہوئی اور کچھ ہی دیر بعد حالات قابو سے باہر ہو گئے۔ بتایا جاتا ہے کہ زیادہ سے زیادہ سکیورٹی والی جیل میں گینگ وار کے دوران لوہے کی سلاخوں اور برتنوں کا استعمال کیا جاتا تھا۔

‘سدھو موس والا’ کے نام سے مشہور شوبدیپ سنگھ سدھو کو گزشتہ سال 29 مئی کو مانسا ضلع میں قتل کر دیا گیا تھا۔ اس معاملے میں مندیپ سنگھ، موہنا اور کیشو کو گرفتار کیا گیا تھا اور یہ تینوں ملزمین جیل میں مقید تھے ۔

لارنس بشنوئی گینگ نے سدھو موسی والا قتل کی ذمہ داری قبول کی تھی  سدھو موسی والا کے قتل کے وقت مندیپ طوفان وہاں موجود تھا۔ اسے اسٹینڈ بائی شوٹر کے طور پر لیا گیا تھا۔ من پریت مانو جگ گروپ کے ساتھ تھا جس نے سدھو موسی والا پر گولی چلائی تھی۔