تلنگانہ کے وقارآباد ضلع میں گرام پنچایت انتخابات: 175 میں سے 6 مسلم امیدوار سرپنچ منتخب
تلنگانہ کے وقارآباد ضلع میں اتوار کے روز دوسرے مرحلے کے گرام پنچایت انتخابات پُرامن ماحول میں منعقد ہوئے، جن میں ضلع کی 175 گرام پنچایتوں میں عوام نے حقِ رائے دہی کا استعمال کیا۔ ان انتخابات کے نتائج کے مطابق 6 مسلم امیدوار سرپنچ کے عہدوں پر کامیاب قرار پائے،
منتخب ہونے والوں میں سرپن پلی گرام پنچایت سے شاہدہ بیگم، چٹم پلی سے اعجاز اور ایراویلی سے ربانی شامل ہیں، یہ تینوں کانگریس کے تائیدی امیدوار تھے۔ اس کے علاوہ مادواپور گرام پنچایت سے گورے میاں آزاد امیدوار کی حیثیت سے پہلے ہی بلا مقابلہ منتخب ہو چکے تھے
۔ کریم پور گرام پنچایت سے شبانہ ساجد نے بی آر ایس کی تائید کے ساتھ کامیابی حاصل کی، جبکہ جننارام گرام پنچایت سے شیخ حسین آزاد امیدوار کی حیثیت سے سرپنچ منتخب ہوئے۔
واضح رہے کہ وقار آباد ضلع میں پہلے مرحلے کے گرام پنچایت انتخابات میں حلقہ اسمبلی تانڈور سے تین مسلم امیدواروں نے سرپنچ کے عہدے پر کامیابی حاصل کی تھی جس میں دلچسپ بات یہ تھی کہ کامیاب ہونے والے دونوں امیدوار آپس میں ماموں اور بھانجے ہیں
پریمول منڈل کے گٹالا پلی گرام پنچایت سے کانگریس پارٹی کے تائیدی امیدوار عبد السلام سرپنچ کے عہدے پر کامیابی حاصل کی، جبکہ بشیر آباد منڈل کے گڑگا کلاں گرام پنچایت سے بی آرایس کے تائیدی امیدوار محمد صابر سرپنچ منتخب ہوئے۔ اس کے علاوہ پریمول منڈل کے کونڈا پور سے کانگرس کی تائید سے خاتون امیدوار بی بی انیس سرپنچ کے طور پر کامیابی حاصل کی۔
