ینیپویا  ڈیمڈ یونیورسٹی  کرناٹک  کی 21 اکتوبر کو جدہ میں گلوبل ایلومنائی میٹ

جدہ _ 19 اکتوبر ( عرفان محمد) ینی پویا  ڈیمڈ ٹو بی یونیورسٹی  کرناٹک  کی گلوبل ایلومنائی میٹ 21 اکتوبر  کو جدہ میں منعقد ہونے والی ہے۔ اس تقریب کا اہتمام ینیپویا یونیورسٹی ایلومنائی ایسوسی ایشن (YUAA,KSA چیپٹر) کے KSA چیپٹر نے جدہ نیشنل ہسپتال کے آڈیٹوریم میں کیا ہے۔ ینی پویا یونیورسٹی کے اعزازی چانسلر ڈاکٹر وائی عبد اللہ کنہی اور ڈینٹل کالج کے ڈین ڈاکٹر اختر حسین میٹنگ میں شرکت کے لیے مہمان خصوصی کے طور پر پہلے ہی جدہ پہنچ چکے ہیں۔ جدہ میں قونصلیٹ جنرل آف انڈیا جناب محمد شاہد عالم، قونصل (کمیون اور ایچ او سی) مسز حمنہ مریم اور  وی پی محمد علی، چیئرمین جدہ نیشنل ہسپتال اس پروگرام میں معزز مہمانوں میں شامل ہوں گے۔

ینی پویا یونیورسٹی 1991 میں قائم کی گئی ۔ اسلامک اکیڈمی آف ایجوکیشن ٹرسٹ کے تحت ڈاکٹر وائی عبد اللہ کنہی نے جنوبی ہند کے تعلیمی مرکز منگلور میں صحت کی دیکھ بھال کے شعبے میں معیاری تعلیم کے مقصد سے قائم کی تھی۔ اسلامک اکیڈمی آف ایجوکیشن اور ینیپویا ڈینٹل کالج اپنے قیام کے 30 سال کا جشن منا رہے ہیں۔ ینیپویا یونیورسٹی ایلومنائی ایسوسی ایشن (YUAA) کا اپنے آغاز سے ہی یونیورسٹی کے ساتھ ہم آہنگی کا رشتہ ہے اور ترقی میں ایک دوسرے کی مدد کرتا ہے۔ YUAA KSA باب میں میڈیکل، ڈینٹل، فزیوتھراپی، نرسنگ، فارمیسی اور سعودی عرب میں کام کرنے والے یونیورسٹی کے دیگر 11 متعلقہ کالجوں کے سابق طلباء شامل ہیں جو 2016 میں ریاض میں تشکیل دیا گیا تھا۔

تقریب میں قونصلیٹ جنرل کی جانب سے یونیورسٹی کے چانسلر کو معیاری تعلیم کی خدمات پر انھیں تہنیت پیش کی  جائے گی۔ تقریب کے ایک حصے کے طور پر سابق طلباء کے انٹرایکٹو سیشنز، بچوں اور خاندانوں کے لیے ثقافتی اور تفریحی پروگراموں کا اہتمام کیا جائے گا ۔ ڈاکٹر اختر حسین (ڈین، ینیپویا ڈینٹل کالج) کی ’’ایک اختراعی ذہن کی نشوونما‘‘ پر ایک انٹرایکٹو پریزنٹیشن ایک اور اہم توجہ کا مرکز ہوگی۔

جامعہ کے بانی اور چانسلر ڈاکٹر وائی عبداللہ کنہی اور ان کے اہل خانہ کا جدہ انٹرنیشنل ایئرپورٹ پر آرگنائزنگ کمیٹی نے پرتپاک استقبال کیا۔