لکشدیپ کے رکن پارلیمنٹ محمد فیضل کی لوک سبھا رکنیت بحال _اقدام قتل کے الزام میں 10 سال قید کی ہوئی تھی سزا

نئی دہلی _ 29 مارچ ( اردولیکس) لوک سبھا نے این سی پی لیڈر اور لکشدیپ کے ایم پی محمد فیضل کی نااہلی کو منسوخ کر دیا۔ لوک سبھا سکریٹریٹ نے ان کی رکنیت (لوک سبھا کی رکنیت) کو بحال کرنے کا نوٹیفکیشن جاری کیا ہے۔  فیضل نے سپریم کورٹ سے رجوع  ہوتے ہوئے کہا کہ انہیں ہائی کورٹ کی ہدایت کے باوجود ایوان میں جانے کی اجازت نہیں دی گئی۔ قابل ذکر ہے کہ لوک سبھا سکریٹریٹ نے سپریم کورٹ کی جانب سے ان کی عرضی پر سماعت کے لیے رضامندی کے بعد نااہلی کو منسوخ کر دیا  گیا ہے

اس سال 11 جنوری کو کاوراتی سیشن کورٹ نے محمد فیضل کو اقدام قتل کیس میں دس سال قید کی سزا سنائی تھی۔ اسی مہینے کی 13 تاریخ کو لوک سبھا سکریٹریٹ نے انہیں نااہل قرار دینے کا نوٹیفکیشن جاری کیا۔ بعد میں، انہوں نے کیرالہ ہائی کورٹ میں اپنی جیل کی سزا کو چیلنج کرتے ہوئے درخواست دائر کی۔ اس پر سماعت کرنے والی عدالت نے ان پر سنائی گئی سزا کو روک دیا۔ تاہم، لوک سبھا سکریٹریٹ نے ان کے خلاف نااہلی کو نہیں اٹھایا۔ حال ہی میں اس معاملے کو انہوں نے سپریم کورٹ سے رجوع کرتے ہوئے کہا کہ پارلیمنٹ میں  سیکورٹی اہلکار  انھیں ایوان کے اندر جانے کی اجازت نہیں دے رہے ہیں