شہر نرمل کے مشہور و معروف تاجر محمد عبدالرزاق نے معصوم اور مستحق بچوں میں تعلیمی اشیاء تقسیم کی
نرملن۔ رمل کے موضع یلّاپلّی کے قریب واقع ڈبل بیڈروم کالونی میں قائم ہو رہے گورنمنٹ پرائمری اسکول اردو میڈیم کا آج شہر نرمل کے مشہور و معروف تاجر محمد عبدالرزاق مالک زید ٹریڈرس پی او پی و ایشین پینٹس نے تلنگانہ مسلم ایمپلائز ایسوسی ایشن ضلع نرمل کے صدر جواد حسین کے ساتھ دورہ کیا اور قائم ہورہے اسکول میں زیر تعلیم بچوں سے ملاقات کرتے ہوئے تعلیمی اشیاء اسکول بیاگ، نوٹ بکس، سلیٹس کے علاوہ بلاک بورڈس اور تین کمرے جماعتوں کے حساب سے تین سیلنگ فیانس کا انتظام کیا۔
اس موقع پر تاجر عبدالرزاق نے بچوں سے مخاطب ہوتے ہوئے کہا کہ تلنگانہ مسلم ایمپلائز ایسوسی ایشن ضلع نرمل نے تعلیم کی اہمیت کو مد نظر رکھتے ہوئے ڈبل بیڈروم کالونی میں سرکاری طور پر اسکول قائم کرنے کے لیے ٹھوس اقدامات کر رہے ہیں تاکہ بچے زیور تعلیم سے محروم نہ ہو انہوں نے کہا کہ تعلیم وقت کی اہم ترین ضرورت ہے اور یہ ایک ایسا ہتھیار ہے جس کے ذریعے سے آپ بڑے سے بڑے مقام پر پہنچ سکتے ہیں اور قانونی لڑائی میں کافی مددگار ثابت ہوگی انہوں نے کہا کہ بچوں کے روشن مستقبل کے لئے ٹی ایم ای اے نے ایک مثبت سوچ کے ساتھ آگے بڑھ رہے ہیں جس کے لئے انہوں نے پوری ٹیم کو مبارکباد دی تاجر عبدالرزاق نے مستقبل میں بچوں کو مزید تعلیمی اشیاء فراہم کرنے کا بھر پور تیقن دیا اس موقع پر
صفدر خان، تلنگانہ اسٹیٹ اردو ٹرینڈ ٹیچرز اسوسی ایشن نرمل کے سرگرم اراکین فرحہ کمال، افسانہ انجم، رضوانہ بانو، اساتذہ انیس پروین، عرفانہ بانو، طلباء و طالبات کے علاوہ مسجد صالحین کے نائب صدر ساجد خان و دیگر موجود تھے
