آنگن واڑی سنٹرس میں ٹیچرس اور آیاوں کی 5 ہزار ملازمتوں پر تقررات کو تلنگانہ کابینہ نے دی منظوری

حیدرآباد _11 اگست ( اردولیکس) تلنگانہ کابینہ نے ریاست کے آنگن واڑی سنٹرس میں ٹیچرس اور آیاووں کی 5111 ملازمتوں پر تقررات کی منظوری دے دی ہے۔چیف منسٹر نے کہا کہ ان ملازمتوں کو فوری طور پر تقررات کئے جائیں۔

چیف منسٹر چندرشیکھرراو کی صدارت میں آج منعقدہ کابینہ کے اجلاس میں کئی اہم فیصلے لئے گئے۔جس میں 10 لاکھ افراد کو آسرا اسکیم کے تحت نئے پنشن دینے کو منظوری دی گئی۔کابینہ نے وقارآباد آباد میں آٹو نگر کی تعمیر کے لیے 15 ایکڑ اراضی الاٹ کرنے کا فیصلہ کیا اور تانڈور مارکیٹ کمیٹی کے لئے یالالہ میں 30 ایکر اراضی مختص کرنے کا فیصلہ کیا گیا۔

کابینہ نے چیف سکریٹری کو ہدایت کی کہ وہ جی او 58 اور 59 کے تحت غریبوں کو اراضی پٹہ تقسیم کرنے کے پروگرام کو تیز کریں۔شاہ آباد میں راک پولشنگ یونٹس کے قیام کے لیے 45 ایکڑ اراضی الاٹ کرنے کا کابینہ کا فیصلہ کیا ہے